Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. II.
1 Therfor putte &yogh;e awei al malice, and
al gile, and feynyngis, and enuyes, and
alle bacbityngis;
2 as now borun &yogh;onge
children, resonable, with out gile, coueite
&yogh;e mylk, that in it &yogh;e wexe in to helthe;
if netheles &yogh;e han tastid,
3 that the Lord is
swete.
4 And nei&yogh;e &yogh;e to hym, that is a
lyuyng stoon, and repreuyd of men, but
chosun of God, and onourid;
5 and &yogh;e
silf as quyk stoonys be &yogh;e aboue bildid
in to spiritual housis note, and an hooli
preesthod, to offre spiritual sacrifices, acceptable
to God bi Jhesu Crist.
6 For
which thing the scripture seith, Lo! Y
schal sette in Syon the hi&yogh;este corner
stoon, chosun and preciouse; and he that
schal belieue in hym, schal not be confoundid.
7 Therfor onour to &yogh;ou that
bileuen; but to men that bileuen not, the
stoon whom the bilderis repreuyden, this
is maad in to the heed of the corner;
and the stoon of hirtyng,
8 and stoon of
sclaundre, to hem that offenden to the
word, nethir bileuen it, in which thei ben
set.
9 But &yogh;e ben a chosun kyn note, a kyngli
preesthod, hooli folc, a puple of purchasing,
that &yogh;e telle the vertues of hym, that
clepide &yogh;ou fro derknessis in to his wondirful
li&yogh;t.
10 Which sum tyme were not a
-- --
puple of God, but now &yogh;e ben the puple
of God; which hadden not merci, but
now &yogh;e han merci.
11 Moost dere, Y biseche
you, as comelyngis and pilgrymys,
to absteine &yogh;ou fro fleischli desiris, that
fi&yogh;ten a&yogh;ens the soule;
12 and haue &yogh;e &yogh;oure
conuersacioun good among hethene men,
that in that thing that thei bacbite of
&yogh;ou, as of mysdoeris, thei biholden &yogh;ou of
good werkis, and glorifie God in the dai
of visitacioun.
13 Be &yogh;e suget to ech creature,
for God; ethir to the kyng, as to
hym that is hi&yogh;er in state,
14 ethir to
duykis, as to thilke that ben sent of hym
to the veniaunce of mysdoers, and to the
preisyng of good men.
15 For so is the
wille of God, that &yogh;e do wel, and make
the vnkunnyngnesse of vnprudent men to
be doumb.
16 As fre men, and not as hauynge
fredom the keuering of malice, but
as the seruauntis of God.
17 Onoure &yogh;e
alle men, loue &yogh;e brithirhod, drede &yogh;e
God, onoure &yogh;e the king note.
18 Seruauntis,
be &yogh;e sugetis in al drede to lordis, not
oneli to good and to mylde, but also to
tyrauntis.
19 For this is grace, if for conscience
of God ony man suffrith heuynessis,
and suffrith vniustli.
20 For what
grace is it, if &yogh;e synnen, and ben buffatid,
and suffren? But if &yogh;e don wel, and
suffren pacientli, this is grace anentis
God.
21 For to this thing note &yogh;e ben clepid.
For also Crist suffride for vs, and lefte
ensaumple to &yogh;ou, that &yogh;e folewe the
steppis of hym.
22 Which dide not synne,
nethir gile was foundun in his mouth.
23 And whanne he was cursid, he curside
not; whanne he suffride, he manasside
not; but he bitook hym silf to hym,
-- --
that demyde hym vniustli.
24 And he hym
silf bar oure synnes in his bodi on a tre,
that we be deed to synnes, and lyue to
ri&yogh;twisnesse, bi whos wan wounde &yogh;e ben
heelid.
25 For &yogh;e weren as scheep errynge,
but &yogh;e ben now turned to the schipherde,
and bischop of &yogh;oure soulis.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
