Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 Petre, apostle of Jhesu Crist, to the
chosun men, to the comelingis note of scateryng
abrood, of Ponte, of Galathie, of
Capadosie,
2 of Asye, and of Bitynye, bi
the `bifor knowyng of God, the fadir, in
halewyng of spirit, bi obedience, and
springyng of the blood of Jhesu Crist,
grace and pees be multiplied to &yogh;ou.
3 Blessid be God, and the fadir of oure
Lord Jhesu Crist, which bi his greet
merci bigat vs a&yogh;en in to lyuynge hope,
bi the a&yogh;en risyng of Jhesu Crist fro
deth,
4 in to eritage vncorruptible, and vndefoulid,
and that schal not fade, that is
kept in heuenes for &yogh;ou,
5 that in the vertu
of God ben kept bi the feith in to heelthe,
and is redi to be schewid in the last
tyme.
6 In which &yogh;e schulen make ioye,
thou&yogh; it bihoueth now a litil to be sori in
dyuerse temptaciouns;
7 that the preuyng
of &yogh;oure feith be myche more preciouse
than gold, that is preuyd bi fier; and be
foundun in to heriyng, and glorie, and
onour, in the reuelacioun of Jhesu Crist.
8 Whom whanne &yogh;e han not seyn, &yogh;e louen;
in to whom also now &yogh;e not seynge, bileuen;
but &yogh;e that bileuen schulen haue
ioye, and gladnesse that may not be teld
-- --
out,
9 and &yogh;e schulen be glorified, and haue
the ende of &yogh;oure feith, the helthe of
&yogh;oure soulis.
10 Of which helthe profetis
sou&yogh;ten, and enserchiden, that profecieden
of the grace to comyng in &yogh;ou,
11 and sou&yogh;ten
which euer what maner tyme the
spirit of Crist signyfiede in hem, and
bifor telde tho passiouns, that ben in
Crist, and the latere glories.
12 To which
it was schewid, for not to hem silf, but
to &yogh;ou thei mynystriden tho thingis, that
now ben teld to &yogh;ou bi hem that prechiden
to &yogh;ou bi the Hooli Goost sent fro
heuene, in to whom aungelis desiren to
biholde.
13 For which thing be &yogh;e gird note
the leendis of &yogh;oure soule, sobre, perfit,
and hope &yogh;e in to the ilke grace that is
profrid to &yogh;ou bi the schewyng of Jhesu
Crist,
14 as sones of obedience, not made
lijk to the formere desiris of &yogh;oure vnkunnyngnesse,
15 but lijk him that hath
`clepid &yogh;ou hooli; that also `&yogh;e silf be
hooli in `al lyuyng;
16 for it is writun, &YOGH;e
schulen be hooli, for Y am hooli.
17 And
if &yogh;e inwardli clepe him fadir, which
demeth withouten accepcioun of persoones
bi the werk of ech man, lyue &yogh;e
in drede in the time of &yogh;oure pilgrimage;
witynge that not bi corruptible gold,
18
ethir siluer, &yogh;e ben bou&yogh;t a&yogh;en of &yogh;oure
veyn liuynge of fadris tradicioun,
19 but bi
the precious blood as of the lomb vndefoulid
and vnspottid,
20 Crist Jhesu, that
was knowun bifor the makyng of the
world, but he is schewid in the laste
tymes,
21 for &yogh;ou that bi hym ben feithful
in God; that reiside hym fro deth, and
&yogh;af to hym euerlastynge glorie, that
&yogh;oure feith and hope were in God.
22 And
make &yogh;e chast &yogh;oure soulis in obedience of
charite, in loue of britherhod; of simple
-- --
herte loue &yogh;e togidre more bisili.
23 And
be &yogh;e borun a&yogh;en, not of corruptible seed,
`but vncorruptible, bi the word of lyuynge
God, and dwellynge in to with
outen ende.
24 For ech fleisch is hey, and
al the glorie of it is as flour of hey;
the hei driede vp, and his flour felde
doun;
25 but the word of the Lord dwellith
with outen ende. And this is the
word, that is prechid to &yogh;ou.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
