Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. IX.
1 For of the mynystrie that is maad
to hooli men, it is to me of plente to
write to &yogh;ou.
2 For Y knowe &yogh;oure wille,
for the which Y haue glorie of &yogh;ou
anentis Macedonyes, for also Acaie is
redi fro a &yogh;eer passid, and &yogh;oure loue
hath stirid ful manye.
3 And we han
sent britheren, that this thing that we
glorien of &yogh;ou, be not auoidid in this
parti, that as Y seide, &yogh;e be redi.
4 Lest
whanne Macedonyes comen with me, and
fynden &yogh;ou vnredi, we be schamed, that
we seien &yogh;ou not, in this substaunce.
5 Therfor Y gesside necessarie to preie
britheren, that thei come bifore to &yogh;ou,
and make redi this bihi&yogh;t blessyng to be
redi, so as blessing, and not as aueryce.
6 For Y seie this thing, he that sowith
scarseli, schal also repe scarseli; and he
that sowith in blessyngis, schal `repe
also of blessyngis.
7 Ech man as he
castide in his herte, not of heuynesse, or
of nede; for God loueth a glad &yogh;yuere.
8 And God is mi&yogh;ti to make al grace
abounde in &yogh;ou, that &yogh;e in alle thingis
euere more han al sufficience, and
abounde in to al good werk;
9 as it is
writun, He delide abrood, he &yogh;af to pore
men, his ri&yogh;twisnesse dwellith withouten
ende.
10 And he that mynystrith seed to
the sowere, schal &yogh;yue also breed to ete,
and he schal multiplie &yogh;oure seed, and
make myche the encreessingis of fruytis
of &yogh;oure ri&yogh;twisnesse;
11 that in alle thingis
&yogh;e maad riche waxen plenteuouse in to
-- --
al symplenesse, which worchith bi vs
doing of thankingis to God.
12 For the
mynystrie of this office not oneli fillith
tho thingis that failen to holi men, but
also multiplieth many thankyngis to
God,
13 bi the preuyng of this mynystrie,
which glorifien God in the obedience
of &yogh;oure knouleching in the gospel of
Crist, and in symplenesse of comynycacioun
in to hem and in to alle,
14 and in
the biseching of hem for &yogh;ou, that desiren
&yogh;ou for the excellent grace of God in
&yogh;ou.
15 Y do thankyngis to God of the
&yogh;ifte of hym, that may not be teld.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
