Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. X.
1 And Y my silf Poul biseche &yogh;ou, bi
the myldenesse and softnesse of Crist,
which in the face am meke among &yogh;ou,
and Y absent triste in &yogh;ou.
2 For Y preie
&yogh;ou, that lest Y present be not bold bi
the trist, in which Y am gessid to be
bold in to summe, that demen vs, as if
we wandren aftir the fleisch.
3 For we
walkynge in fleisch, fi&yogh;ten not aftir the
fleisch.
4 For the armuris of oure kny&yogh;thod
ben not fleischli, but my&yogh;ti bi God
to the distruccioun of strengthis. And
we distrien counsels,
5 and alle hi&yogh;nesse
that hi&yogh;eth it silf a&yogh;ens the science of
God, and dryuen `in to caitifte al vndirstonding
in to the seruyce of Crist.
6 And we han redi to venge al vnobedience,
whanne &yogh;oure obedience schal be
fillid.
7 Se &yogh;e the thingis that ben after
the face. If ony man trustith to him
silf, that he is of Crist, thenke he this
-- --
thing eft anentis hym silf,
8 for as he
is Cristis, so also we. For if Y schal
glorie ony thing more of oure power,
which the Lord &yogh;af to vs in to edifiyng,
and not in to &yogh;oure distruccioun, Y schal
not be schamed.
9 But that Y be not
gessid as to fere &yogh;ou bi epistlis,
10 for thei
seien, That epistlis ben greuouse and
stronge, but the presence of the bodi is
feble, and the word worthi to be dispisid.
11 He that is suche oon, thenke this,
for suche as we absent ben in word bi
pistlis, suche we ben present in dede.
12 For we doren not putte vs among, or
comparisoune vs to summen, that comenden
hem silf; but we mesuren vs in
vs silf, and comparisounen vs silf to vs.
13 For we schulen not haue glorie ouer mesure,
but bi the mesure of the reule
which God mesuride to vs, the mesure
that stretchith to &yogh;ou.
14 For we ouerstretchen
not forth vs, as not stretchinge
to &yogh;ou. For to &yogh;ou we camen in the
gospel of Crist,
15 not gloriynge ouer mesure
in othere mennus trauelis. For we
`han hope of &yogh;oure feith that wexith
in &yogh;ou to be magnefied bi oure reule in
abundaunce,
16 also to preche in to tho
thingis that ben bi&yogh;endis &yogh;ou, not to haue
glorie in othere mennus reule, in these
thingis that ben maad redi.
17 He that
glorieth, haue glorie in the Lord.
18 For
not he that comendith hym silf is preuyd,
but whom God comendith.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
