Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXV.
1 Forsothe Abraham weddide another wijf,
Ceture bi name,
2 which childide to him
Samram, and Jexan, and Madan, and Madian,
and Jesboth, and Sue.
3 Also Jexan
gendride Saba and Dadan. Forsothe the
sones of Dadan weren Asurym, and Lathusym,
and Laomym.
4 And sotheli of Madian
was borun Efa, and Ofer, and Enoth,
and Abida, and Heldaa; alle these weren
the sones of Cethure.
5 And Abraham &yogh;af
alle thingis whiche he hadde in possessioun
to Isaac;
6 sotheli he &yogh;af &yogh;iftis to the sones
of concubyns; and Abraham, while he
lyuede &yogh;it, departide hem fro Ysaac, his
sone, to the eest coost.
7 Forsothe the daies
of lijf of Abraham weren an hundrid and
`fyue and seuenti &yogh;eer;
8 and he failide, and
diede in good eelde, and of greet age, and
ful of daies, and he was gaderid to his
puple.
9 And Ysaac and Ismael, his sones,
birieden him in the double denne, which
is set in the feeld of Efron, sone of Seor
Ethei,
10 euene a&yogh;ens Mambre, which denne
he bou&yogh;te of the sones of Heth; and he was
biried there, and Sare his wijf.
11 And aftir
the deeth of Abraham God blesside Isaac
his sone, which dwellide bisidis the pit bi
name of hym that lyueth and seeth.
12 These
ben the generaciouns of Ismael, sone of
Abraham, whom Agar Egipcian, seruauntesse
of Sare, childide to Abraham;
13 and these ben the names of the sones of
Ismael, in her names and generaciouns.
The firste gendride of Ismael was Nabaioth,
aftirward Cedar, and Abdeel, and
Mabsan,
14 and Masma, and Duma, and
Massa,
15 and Adad, and Thema, and Ithur,
and Nafir, and Cedma.
16 These weren the
sones of Ismael, and these weren names
by castels and townes of hem, twelue
princes of her lynagis.
17 And the &yogh;eeris
of lijf of Ismael weren maad an hundrid
and seuene and thretti, and he failide, and
diede, and was put to his puple.
18 Forsothe
-- --
he enhabitide fro Euila til to Sur,
that biholdith Egipt, as me entrith in to
Assiriens; he diede bifore alle his britheren.
19 Also these ben the generaciouns of Ysaac
sone of Abraham. Abraham gendride
Isaac,
20 and whanne Isaac was of fourti &yogh;eer,
he weddide a wijf, Rebecca, dou&yogh;ter of Batuel,
of Sirie of Mesopotanye, the sistir of
Laban.
21 And Isaac bisou&yogh;te the Lord for
his wijf, for sche was bareyn; and the
Lord herde him, and &yogh;af conseiuyng to
Rebecca.
22 But the litle children weren
hurtlid togidre in hir wombe; and sche
seide, If it was so to comynge to me, what
nede was it to conseyue? And sche &yogh;ede
72Q0004 and axide counsel of the Lord,
23 which answerde,
and seide, Twei folkis ben in thi
wombe, and twei puplis schulen be departid
fro thi wombe, and a puple schal
ouercome a puple, and the more schal
serue the lesse.
24 Thanne the tyme of childberyng
cam, and lo! twei children weren
foundun in hir wombe.
25 He that &yogh;ede out
first was reed, and al rou&yogh; in the manere
of a skyn; and his name was clepid Esau.
26 Anoon the tothir &yogh;ede out, and helde with
the hond the heele of the brother; and
therfore he clepide him Jacob. Isaac was
sixti &yogh;eer eeld, whanne the litle children
weren borun.
27 And whanne thei weren
woxun, Esau was maad a man kunnynge
of huntyng, and a man erthe tilier; forsothe
Jacob was a symple man, and
dwellide in tabernaclis.
28 Isaac louyde Esau,
for he eet of the huntyng of Esau;
and Rebecca louyde Jacob.
29 Sotheli Jacob
sethide potage; and whanne Esau cam
weri fro the feld,
30 he seide to Jacob, &YOGH;yue
thou to me of this reed sething, for Y am
ful weri; for which cause his name was
clepid Edom.
31 And Jacob seide to him,
Sille to me the ri&yogh;t of the first gendrid
childe.
32 He answerde, Lo! Y die, what
schulen the firste gendrid thingis profite
-- --
to me?
33 Jacob seide, therfor swere thou to
me. Therfor Esau swoor, and selde the
firste gendrid thingis.
34 And so whanne he
hadde take breed and potage, Esau eet
and drank, and &yogh;ede forth, and chargide
litil that he hadde seld the ri&yogh;t of the firste
gendrid child.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|