Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. IX.
1 Loue thou not gelousli note the womman
of thi bosum; lest sche schewe on thee the
malice of yuel doctryn.
2 &YOGH;yue thou not to
a womman the power of thi soule; lest
sche entre in thi vertu, and thou be schent.
-- --
3 Biholde thou not a womman of many
willis note; lest perauenture thou falle in to
the snaris of hir.
4 Be thou not customable
with a daunseresse, nethir here thou hir;
lest perauenture thou perische in the spedi
werk of hir.
5 Biholde thou not a virgyn;
lest perauenture thou be sclaundrid in the
feirnesse of hir.
6 &YOGH;yue not thi soule note to
hooris in ony thing; lest thou leese thee,
and thi soule, and thin eritage.
7 Nyle thou
biholde aboute in the lanys of the cytee;
nethir erre thou in the large streetis therof.
8 Turne awei thi face fro a womman
`wel arayed note; and biholde thou not aboute
the fairnesse of othere.
9 Many men han
perischid for the fairnesse of a womman;
and `herbi couetise brenneth `an hi&yogh; as
fier.
10 Ech womman which is an hoore,
ethir customable to fornycacioun, schal be
defoulid note as a fen in the weie.
11 Many
men wondrynge on the fairnesse of an
alien womman weren maad repreuable,
for whi the speche of hir brenneth an hi&yogh;
as fier.
12 Sitte thou not in ony maner with
an alien womman, nether reste thou with
hir on a bed;
13 and iangle thou not with
hir in wyn, lest perauenture thin herte
boowe in to hir, and thou falle in to perdicioun
bi thi blood.
14 Forsake thou not an
eld frend; for a newe frend note schal not be
lijk hym.
15 Newe wijn is a newe frend; it
schal wexe eld, and thou schalt drinke it
with swetnesse.
16 Coueyte thou not the
glorie and richessis of a synnere; for thou
noost, what distriyng of hym schal come.
17 The wrong of vniust men plese not thee,
and wite thou that a wickid man schal
not plese til to hellis note.
18 Be thou fer fro
a man that hath power to sle note, and thou
schalt not haue suspicioun of the drede of
deth;
19 and if thou nei&yogh;est to hym, nyle
thou do ony trespasse, lest perauenture
he take awei thi lijf.
20 Knowe thou the
comynyng of deth note; for thou schalt entre
-- --
in to the myddis of snaris, and thou schalt
go on the armuris of hem that sorewen.
21 Bi thi vertu kepe thee fro thi nei&yogh;bore note;
and trete thou with wise men and prudent
men.
22 Just men be gestis, ethir
mete feris, to thee; and gloriyng be `to
thee in the dreed of God.
23 And the thou&yogh;t
of God be to thee in wit note; and al thi tellynge
be in the heestis of the hi&yogh;este.
24 Werkis schulen be preisid in the hond of
crafti men, and the prince of the puple in
the wisdom of his word; forsothe in the
wit of eldere men a word note.
25 A man, a
ianglere, is dredeful in his citee; and a fool
hardi man in his word schal be hateful.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
