Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. X.
1 A wijs iuge schal deme his puple; and
the prinshed of a witti man schal be stidfast note.
2 Aftir the iuge of the puple, so and
hise mynystris; and what maner man is
the gouernour of the citee, siche ben also
men dwellinge ther ynne.
3 An vnwijs king
schal leese his puple; and citees schulen be
enhabitid bi the wit of prudent men.
4 The
power of erthe is in the hond of God, and
al the wickidnesse note of hethene men is abhomynable;
and he schal reise a profitable
gouernour at a tyme on it.
5 The power of
man is in the hond of God; and he schal
sette his onour on the face of a wijs man
in the lawe.
6 Haue thou not mynde on al
the wrong of the nei&yogh;bore; and do thou no
thing note in the werkis of wrong.
7 Pride is
hateful bifore God and men; and al the
wickidnesse of hethene men is abhomynable.
8 A rewme is translatid fro a folk in
to folk, for vnri&yogh;tfulnessis, and wrongis,
and dispisyngis, and dyuerse gilis.
9 No
thing is cursidere than an auerouse man note.
What art thou proude, thou erthe and
-- --
aische note?
10 No thing is worse, than for to
loue monei; for whi this man hath also
his soule set to sale, for in his lijf he
hath cast awei hise ynneste thingis.
11 Ech
power is schort lijf; lengere siknesse
greueth the leche.
12 A leche kittith awei note
schort siknesse; so and a king is to dai,
and to morewe he schal die.
13 Forsothe
whanne a man schal die, he schal enherite
serpentis, and beestis, and wormes.
14 The
bigynnyng of pride of man was to be
apostata note fro God;
15 for his herte &yogh;ede
awei fro hym that made hym. For whi
pride is the bigynnyng of al synne; he
that holdith it, schal be fillid with cursyngis,
and it schal distrye hym in to the
ende.
16 Therfor the Lord hath schent the
couentis of yuele men, and hath destried
hem til `in to the ende.
17 God destriede
the seetis of proude duykis; and made
mylde men to sitte for hem.
18 God made
drie the rootis of proude folkis; and
plauntide meke men of tho folkis.
19 The
Lord destriede the londis of folkis; and
loste tho `til to the foundement.
20 He made
drie the rootis of hem, and loste hem;
and made the mynde of hem to ceesse fro
the erthe.
21 God loste the mynde of proude
men; and lefte the mynde of meke men in
wit.
22 Pride was not maad to men; nether
wrathfulnesse to the nacioun of wymmen note.
23 This seed of men that dredith God,
schal be onourid; but this seed schal be
disonourid, that passith the comaundementis
of the Lord.
24 In the myddis of
britheren the gouernour of hem is in
onour; and thei that dreden God, schulen
be in hise i&yogh;en note.
25 The glorie of riche men
onourid and of pore men is the drede of
God.
26 Nyle thou dispise a iust pore man;
and nyle thou magnefie a riche synful
man.
27 The iuge is greet, and is mi&yogh;ti in
onour; and he is not grettere than that
man that dredith God.
28 Fre children
seruen a witti seruaunt; and a prudent
-- --
man and lerned schal not grutche, whanne
he is blamed, and an vnkunnynge man note
schal not be onourid.
29 Nyle thou enhaunse
thee in thi werk to be don; and nyle thou
be slow in the tyme of angwisch.
30 He is
betere that worchith, and hath plente in
alle thingis, than he that hath glorie, and
nedith breed.
31 Sone, kepe thi soule in
myldenesse note; and &yogh;yue thou onour to it,
aftir his merit.
32 Who schal iustifie hym
that synneth a&yogh;ens his soule? and who
schal onoure hym that disonourith his
soule?
33 A pore man hath glorie bi his
lernyng and drede; and ther is a man that
is onourid for his catel.
34 Forsothe if a
man hath glorie in pouert, hou myche
more in catel? and he that hath glorie
in catel, drede pouerte.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
