Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VIII.
1 Chide thou not with a mi&yogh;ti man, leste
thou falle in to hise hondis.
2 Stryue thou
not with a riche man, lest perauenture he
make ple a&yogh;enward to thee.
3 For whi gold
and siluer note hath lost many men; and it
stretchith forth til to the herte of kyngis,
and turneth note.
4 Chide thou not with a
man, a ianglere, and leie thou not trees in
to his fier.
5 Comyne thou not with an
vntau&yogh;t man, lest he speke yuele of thi
kynrede.
6 Dispise thou not a man turnynge
awei hym silf fro synne, nether vpbreide
thou hym; haue thou mynde, that
alle we ben in corrupcioun.
7 Dispise thou
not a man in his eelde; for whi of vs men
wexen eld.
8 Nyle thou make ioye of thin
enemy deed, witynge that alle we dien,
and wolen not come in to ioie of oure
enemys.
9 Dispise thou not the tellyng of
wise preestes, and be thou conuersaunt in
the prouerbis of hem note;
10 for of hem thou
-- --
schalt lerne wisdom, and techyng of vndurstondyng,
and to serue without pleynt
to grete men.
11 The tellyng of eldere men
passe not thee; for thei han lerned of her
fadris.
12 For of hem thou schalt lerne vndurstondyng;
and in the tyme of nede
thou schalt &yogh;yue answere.
13 Kyndle thou
not note the coolis of synneris, and repreue
hem; and be thou not brent with the
flawme of fier of her synnes.
14 Stonde thou
not a&yogh;ens the face of a man ful of dispisyng;
lest he sitte as a spiere to thi mouth.
15 Nyle thou leene note to a man strongere than
thou; that if thou hast lent, haue thou
it as lost.
16 Biheete thou not aboue thi
power; that if thou hast bihi&yogh;t, bithenke
thou as &yogh;eldynge note.
17 Deme thou not a&yogh;ens
a iuge; for he demeth vp that, that is iust.
18 Go thou not in the weie with an hardi
man note, lest perauenture he agregge hise
yuels in thee; for he goith aftir his wille,
and thou schalt perische togidere with
his foli.
19 Make thou not chidyng with a
wrathful man, and go thou not in to desert
with an hardi man; for whi blood note
is as nou&yogh;t bifore hym, and where noon
help is, he schal hurtle thee doun.
20 Haue
thou not councel with foolis; for thei moun
not loue, no but tho thingis that plesen
hem.
21 Make thou not a counsel bifore a
straunger; for thou noost, what he schal
bringe forth. Make not thin herte knowun
to ech man note; lest perauenture he brynge
to thee fals grace, and dispise thee.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
