Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. II.
1 Forsothe wickid men seiden, thenkynge
anentis hem silf not ri&yogh;tfuli, The tyme
of oure lijf is litil, and with anoye; no
refreisching is in the ende of a man, and
noon is, that is knowun, that turnede
a&yogh;en fro hellis.
2 For we weren borun of
nou&yogh;t, and aftir this tyme we schulen be,
as if we hadden not be; forwhi smoke note
is blowun out in oure nose thirlis, and a
word of sparcle to stire oure herte.
3 For
oure bodi schal be quenchid aische, and
the spirit schal be scaterid abrood as soft
eir; and oure lijf schal passe as the step
of a cloude, and it schal be departid as a
myst, which is dryuun awey of the beemys
of the sunne, and is greued of the heete
therof.
4 And oure name schal take for&yogh;eting
bi tyme note; and no man schal haue
mynde of oure werkis.
5 Forwhi oure tyme
is the passyng of a schadewe, and no
turnyng a&yogh;en of oure ende is; for it is
aseelid note, and no man turneth a&yogh;en.
6 Therfor
come &yogh;e, and vse we the goodis that
-- --
ben, and vse we a creature, as in &yogh;ongthe,
swiftli note.
7 Fille we vs with preciouse wyn
and oynementis; and the flour of tyme
passe not vs.
8 Corowne we vs with roosis,
bifor that tho welewen; no medewe be, `bi
which oure letcherie passe not.
9 No man
of vs be with out part of oure letcherie;
euery where leeue we the signes of gladnesse;
for this is oure part note, and this is
oure eritage.
10 Oppresse we a pore iust
man, and spare we not a widewe, nether
reuerence we hoor heeris of an old man
of myche tyme.
11 But oure strengthe be
the lawe of ri&yogh;tfulnesse note; forwhi that
that is feble, is foundun vnprofitable.
12 Therfor disseyue we a iust man note, for he
is vnprofitable to vs, and he is contrarie
to oure werkis; and he vpbreidith to vs
the synnes of lawe, and he defameth on vs
the synnes of oure techyng.
13 He biheetith
that he hath the kunnyng of God, and
he nemeth hym silf the sone of God.
14 He
is maad to us in to schewyng of oure
thou&yogh;tis note.
15 He is greuouse to vs, &yogh;he, to
se; forwhi his lyf is vnlijk to other men,
and hise weies ben chaungid.
16 We ben
gessid of hym to be triffleris note, and he
absteyneth hym silf fro oure weies, as
fro vnclenessis; and he bifore settith note the
laste thingis of iust men, and he hath
glorie, that he hath God a fadir.
17 Therfor
se we, if hise wordis ben trewe; and
asaie we, what thingis schulen come to
hym; and we schulen wite, what schulen
be the laste thingis of hym.
18 For if he
is the very sone of God, he schal vp take
hym, and schal delyuere hym fro the
hondis of hem that ben contrarie.
19 Axe
we hym bi dispisyng and turment, that
we knowe his reuerence, and that we
preue his pacience.
20 Bi fouleste deth condempne
we hym; for whi biholdyng schal
-- --
be of hise wordis note.
21 Thei thou&yogh;ten these
thingis, and thei erriden; for whi her
malice blyndide hem.
22 And thei knewen
not the sacramentis of God note, nethir thei
hopiden the meede of ri&yogh;tfulnesse, nether
thei demyden the onour of hooli soulis.
23 For whi God made man vnable to be distried,
and God made man to the ymage
of his licnesse.
24 But bi enuye of the
deuel note deth entride in to the world;
25 for
sothe thei suen hym, that ben of his part.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
