Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. III.
1 Forsothe the soulis of iust men ben in
the hond of God; and the turment of
deth note schal not touche hem.
2 Thei semyden
to the i&yogh;en of vnwise men to die;
and turment was demed the outgoyng of
hem.
3 And fro iust weie note thei &yogh;eden in
to distriyng, and that that is of vs the
weie of distriyng note; but thei ben in pees.
4 Thou&yogh; thei sufriden turmentis bifore men,
the hope of hem is ful of vndeedlynesse.
5 Thei weren trauelid in a fewe thingis,
and thei schulen be disposid wel in many
thingis; for whi God asaiede hem, and
foond hem worthi to hym silf.
6 He preuede
hem as gold in a furneis, and he took
hem as the offryng of brent sacrifice; and
the biholdyng of hem schal be in tyme
of &yogh;elding.
7 Iust men schulen schyne,
and schulen renne aboute as sparclis in a
place of rehed.
8 Thei schulen deme naciouns,
and schulen be lordis of puplis;
and the Lord of hem schal regne with
outen ende.
9 Thei that trusten on hym,
schulen vnderstonde treuthe; and feithful
men in loue schulen assente to hym; for
whi &yogh;ifte note and pees is to hise chosun
men.
10 But wickid men, bi tho thingis
-- --
that thei thou&yogh;ten, schulen haue punyschyng;
whiche dispisiden note iust thing, and
&yogh;eden awei fro the Lord.
11 For he that
castith awei wisdom and lore, is cursid;
and the hope of wickid men is voide, and
her trauels ben without fruyt, and her
werkis ben vnhabitable, and vnprofitable.
12 The wymmen of hem ben vnwitti,
and the sones of hem ben ful weiward.
13 The creature of hem is cursid; for whi a
womman bareyn and vndefoulid is blessid,
that `knew not bed in trespas; sche schal
haue fruyt in the biholdyng of holy soulis.
14 And a man vnmy&yogh;ti to gendre is blessid,
that `wrou&yogh;te not wickidnesse bi hise
hondis, nether thou&yogh;te moost weiward
thingis a&yogh;ens the Lord; for whi a chosun
&yogh;ifte of feith schal be &yogh;ouun to hym, and
a most acceptable eritage in the temple of
God.
15 For whi the fruyt of good trauels
is gloriouse, and the roote of wisdom that
fallith not doun.
16 But the sones of avowtreris
schulen be in distriyng, and the seed
of a wickid bed schal be destried.
17 And
sotheli thou&yogh; thei schulen be of long lijf,
thei schulen be arettid in to nou&yogh;t; and
the laste eelde of hem schal be withouten
onour.
18 And if thei ben deed swiftliere,
thei schulen not haue hope, nether alowyng
in the dai of knowyng.
19 Forsothe
wickide naciouns ben of hard ending.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
