Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
1 &YOGH;e that demen the erthe note, loue ri&yogh;tfulnesse;
feele &yogh;e of the Lord in goodnesse,
and seke &yogh;e hym in the symplenesse note
-- --
of herte.
2 For he is foundun of hem,
that tempten not hym; forsothe he apperith
to hem, that han feith in to hym.
3 For whi weiward thou&yogh;tis departen fro
God; but preued note vertu repreueth vnwise
men.
4 For whi wisdom schal not entre in
to an yuel willid soule note; nethir schal
dwelle in a bodi suget to synnes.
5 Forsothe
the Hooli Goost of wisdom schal
fle awei fro `a feyned man, and he schal
take awei hym silf fro thou&yogh;tis, that ben
with out vnderstondyng; and the man
schal be punyschid of wyckidnesse comynge
aboue.
6 For the spirit of wisdom is
benyngne, and he schal not delyuere a
cursid man fro hise lippis; for whi
God is witnesse of hise reynes, and the
serchere of his herte is trewe, and the
herere of his tunge.
7 For whi the Spirit
of the Lord hath fillid the world; and this
thing, that conteyneth alle thingis, hath
the kunnyng of vois.
8 For this he that
spekith wickid thingis, may not be hid;
and doom punyschynge schal not passe
hym.
9 For whi axyng schal be in the
thou&yogh;tis of a wickid man.
10 Forsothe the
heryng of hise wordis schal come to God,
and to the punyschyng of hise wickidnessis;
for the eere of feruent loue herith
alle thingis, and the noise of grutchyngis
schal not be hyd.
11 Therfor kepe &yogh;e &yogh;ou
fro grutchyng, that profitith no thing,
and fro bacbityng spare &yogh;e the tunge; for
a derk word schal not go in to veyn;
forsothe the mouth that lieth, sleeth the
soule note.
12 Nyle &yogh;e coueyte deth, in the
-- --
errour of &yogh;oure lijf, nether gete &yogh;e perdicioun
in the werkis of &yogh;oure hondis;
for God made not deth,
13 nether is glad
in the perdicioun of lyuynge men.
14 For
whi God made of nou&yogh;t alle thingis, that
tho schulden be; and he made the naciouns
of the world able to be heelid.
Forwhi medecyn note of distriyng is not in
tho men, nether the rewme of hellis is in
erthe note.
15 For ri&yogh;tfulnesse is euerlastynge,
and vndeedli; but vnri&yogh;tfulnesse is getyng
of deeth.
16 Forsothe wickid men clepiden
that vnri&yogh;tfulnesse bi hondis and wordis,
and thei gessiden it a frendesse, and fletiden
awei, and thei puttiden biheestis to
it; for thei ben worthi the deth note, that
ben of the part therof.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
