Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VII.
1 Dou&yogh;tir of the prince note, thi goyngis
ben ful faire in schoon; the ioyncturis
of thi heppis ben as brochis, that ben
maad bi the hond of a crafti man.
2 Thi
nawle is as a round cuppe, and wel
formed, that hath neuere nede to drynkis;
thi wombe is as an heep of whete, biset
aboute with lilies.
3 Thi twei teetis note ben
as twei kidis, twynnes of a capret.
4 Thi
necke is as a tour of yuer; thin i&yogh;en
ben as cisternes in Esebon, that ben in
the &yogh;ate of the dou&yogh;ter of multitude; thi
nose is as the tour of Liban, that biholdith
a&yogh;ens Damask.
5 Thin heed is as Carmele;
and the heeres of thin heed ben as
the kyngis purpur, ioyned to trow&yogh;is.
6 Dereworthe spousesse, thou art ful fair note,
and ful schappli in delices.
7 Thi stature is
licned to a palm tree, and thi tetis to
clustris of grapis.
8 I seide, Y schal
stie in to a palm tree note, and Y schal take
the fruytis therof. And thi tetis schulen
be as the clustris of grapis of a vyner;
and the odour of thi mouth as the odour
of pumgranatis;
9 thi throte schal be as
beste wyn. Worthi to my derlyng for
to drynke, and to hise lippis and teeth to
-- --
chewe.
10 Y schal cleue by loue to my derlyng,
and his turnyng schal be to me.
11 Come thou, my derlyng, go we out in to
the feeld note; dwelle we togidere in townes.
12 Ryse we eerli to the vyner; se we, if the
vyner hath flourid, if the flouris bryngen
forth fruytis, if pumgranatis han flourid;
there I schal &yogh;yue to thee my tetis.
13 Mandrogoris han &yogh;oue her odour in oure
&yogh;atis; my derlyng, Y haue kept to thee
alle applis, new and elde.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
