Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VI.
1 My derlyng &yogh;ede doun in to his orcherd note,
to the gardyn of swete smellynge
spices, that he be fed there in orcherdis,
and gadere lilyes.
2 Y to my derlyng;
and my derlyng, that is fed among the
lilies, be to me.
3 Mi frendesse, thou
art fair, swete and schappli as Jerusalem,
thou art ferdful as the scheltrun of oostis
set in good ordre.
4 Turne awei thin
i&yogh;en fro me, for tho maden me to fle
awei; thin heeris ben as the flockis of
geet, that apperiden fro Galaad.
5 Thi
teeth as a flok of scheep, that stieden
fro waischyng; alle ben with double
lambren, `ether twynnes, and no bareyn
is among tho. As the rynde of a pumgranate,
so ben thi chekis, without thi
priuytees.
7 Sixti ben queenys note, and ei&yogh;ti
ben secundarie wyues; and of &yogh;ong damesels
is noon noumbre.
8 Oon is my culuer,
my perfit spousesse, oon is to hir
modir, and is the chosun of hir modir;
the dou&yogh;tris of Syon sien hir, and prechiden
hir moost blessid; queenys, and secundarie
wyues preisiden hir.
9 Who is this,
that goith forth, as the moreutid risynge,
fair as the moone, chosun as the sunne,
ferdful as the scheltrun of oostis set in
good ordre?
10 Y cam doun in to myn
orcherd note, to se the applis of grete valeis,
and to biholde, if vyneris hadden flourid,
and if pumgranate trees hadden buriowned.
-- --
11 Y knew not; my soule disturblide
me, for the charis of Amynadab. note
12 Turne a&yogh;en, turne a&yogh;en, thou Sunamyte;
turne a&yogh;en, turne a&yogh;en, that we
biholde thee. What schalt thou se in
the Sunamyte, no but cumpenyes of
oostis?
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
