Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXVII.
1 Haue thou not glorie on the morewe note,
`not knowynge what thing the dai to
comynge schal bringe forth.
2 Another
man, and not thi mouth preise thee; a
straunger, and not thi lippis `preise thee.
3 A stoon is heuy, and grauel is chariouse;
but the ire of a fool is heuyere than euer
eithir.
4 Ire hath no merci, and woodnesse
brekynge out `hath no merci; and
who mai suffre the fersnesse of a spirit
stirid?
5 Betere is opyn repreuyng note, than
loue hid.
6 Betere ben the woundis of hym
that loueth, than the gileful cossis of hym
that hatith.
7 A man fillid schal dispise
an hony coomb; but an hungri man schal
take, &yogh;he, bittir thing for swete.
8 As a
brid passinge ouer fro his nest, so is a
man that forsakith his place.
9 The herte
delitith in oynement, and dyuerse odours;
and a soule is maad swete bi the good
-- --
counsels of a frend.
10 Forsake thou not
thi frend, and the frend of thi fadir; and
entre thou not in to the hous of thi brothir,
in the dai of thi turment. Betere is
a nei&yogh;bore ny&yogh;, than a brothir afer.
11 Mi
sone, studie thou a boute wisdom, and
make thou glad myn herte; that thou
maist answere a word to a dispisere note.
12 A fel man seynge yuel was hid; litle men
of wit passinge forth suffriden harmes.
13 Take thou awei his clooth, that bihi&yogh;te
for a straunger; and take thou awei a
wed fro hym for an alien man.
14 He that
blessith his note nei&yogh;bore with greet vois;
and risith bi ni&yogh;t, schal be lijk hym that
cursith.
15 Roouys droppynge in the dai of
coold, and a womman ful of chidyng ben
comparisond.
16 He that withholdith note hir,
as if he holdith wynd; and auoidith the
oile of his ri&yogh;t hond.
17 Yrun is whettid bi
irun; and a man whettith the face of his
frend.
18 He that kepith a fige tre, schal
ete the fruytis therof; and he that is a
kepere of his lord, schal be glorified.
19 As
the cheris of men biholdinge schynen in
watris; so the hertis of men ben opyn
to prudent men.
20 Helle and perdicioun
schulen not be fillid; so and the i&yogh;en of
men note moun not be fillid.
21 As siluer is
preuyd in a wellyng place, and gold `is
preued in a furneys; so a man is preued
bi the mouth of preyseris. The herte note
of a wickid man sekith out yuels; but a
ri&yogh;tful herte sekith out kunnyng.
22 Thou&yogh;
thou beetist a fool note in a morter, as with
a pestel smytynge aboue dried barli; his
foli schal not be don awei fro him.
23 Knowe thou diligentli the cheere of thi
beeste note; and biholde thou thi flockis.
24 For
thou schalt not haue power contynueli;
but a coroun schal be &yogh;ouun to thee in
generacioun and in to generacioun.
25 Medewis
ben openyd, and greene eerbis apperiden;
and hey is gaderid fro hillis.
-- --
26 Lambren be to thi clothing; and kidis
be to the prijs of feeld note.
27 The mylke
of geete suffice to thee for thi meetis; in
to the necessarie thingis of thin hous, and
to lijflode to thin handmaidis note.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
