Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXVI.
1 As snow note in somer, and reyn in heruest;
so glorie is vnsemeli to a fool.
2 For
-- --
whi as a brid fliynge ouer to hi&yogh; thingis,
and a sparowe goynge in to vncerteyn;
so cursing brou&yogh;t forth with out resonable
cause schal come aboue in to sum man.
3 Beting to an hors, and a bernacle to an
asse; and a &yogh;erde in the bak of vnprudent
men.
4 Answere thou not note to a fool
bi his foli, lest thou be maad lijk hym.
5 Answere thou a fool bi his fooli, lest he
seme to him silf to be wijs.
6 An haltinge
man in feet, note and drinkinge wickidnesse,
he that sendith wordis by a fonned messanger.
7 As an haltinge man hath faire
leggis in veyn; so a parable note is vnsemeli
in the mouth of foolis.
8 As he that casteth
a stoon in to an heep of mercurie note;
so he that &yogh;yueth onour to an vnwijs man.
9 As if a thorn growith in the hond of a
drunkun man; so a parable in the mouth
of foolis.
10 Doom determyneth causis note;
and he that settith silence to a fool, swagith
iris.
11 As a dogge that turneth a&yogh;en
to his spuyng; so is an vnprudent man,
that rehersith his fooli note.
12 Thou hast seyn
a man seme wijs to hym silf; an vnkunnyng
man schal haue hope more than he.
13 A slow man seith, A lioun is in the weie,
a liounnesse is in the foot pathis.
14 As a
dore is turned in his hengis; so a slow
man in his bed.
15 A slow man hidith hise
hondis vndur his armpit; and he trauelith,
if he turneth tho to his mouth.
16 A slow
man semeth wysere note to hym silf, than
seuene men spekynge sentensis.
17 As he
that takith a dogge bi the eeris; so he
that passith, and is vnpacient, and is meddlid
with the chiding of anothir man note.
18 As he is gilti, that sendith speris and
arowis in to deth;
19 so a man that anoieth
gilefuli his frend, and whanne he is
takun, he schal seie, Y dide pleiynge.
-- --
20 Whanne trees failen, the fier schal be
quenchid; and whanne a priuy bacbitere
is withdrawun, stryues resten.
21 As deed
coolis at quic coolis, and trees at the fier;
so a wrathful man reisith chidyngis.
22 The
wordis of a pryuei bacbitere ben as symple;
and tho comen til to the ynneste
thingis of the herte.
23 As if thou wolt
ourne a vessel of erthe with foul siluer;
so ben bolnynge lippis felouschipid with
`the werste herte.
24 An enemy is vndirstondun
bi hise lippis, whanne he tretith
giles in the herte.
25 Whanne he `makith
low his vois, bileue thou not to hym;
for seuene wickidnessis ben in his herte.
26 The malice of hym that hilith hatrede
gilefuli, schal be schewid in a counsel.
27 He that delueth a diche, schal falle in to
it; and if a man walewith a stoon, it
schal turne a&yogh;en to hym.
28 A fals tunge
loueth not treuth; and a slidir mouth
worchith fallyngis.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
