Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXVIII.
1 A wickid man fleeth, whanne no man
pursueth; but a iust man as a lioun
tristynge note schal be with out ferdfulnesse.
2 For the synnes of the lond ben many
princis therof; and for the wisdom of a
man, and for the kunnyng of these
thingis note that ben seid, the lijf of the
duyk schal be lengere.
3 A pore man
falsli calengynge pore men, is lijk a
grete reyn, wherynne hungur is maad
redi.
4 Thei that forsaken the lawe, preisen
a wickid man; thei that kepen `the
lawe, ben kyndlid note a&yogh;ens hym.
5 Wickid
men thenken not doom; but thei that
seken the Lord, perseyuen alle thingis note.
6 Betere is a pore man goynge in his sympilnesse,
than a riche man in schrewid
weies.
7 He that kepith the lawe, is a
wijs sone; but he that fedith note glotouns,
schendith his fadir.
8 He that gaderith
togidere richessis bi vsuris, and fre encrees note,
gaderith tho togidere a&yogh;ens pore
men.
9 His preyer schal be maad cursid,
that bowith awei his eere note; that he here
not the lawe.
10 He that disseyueth iust
men in an yuel weye, schal falle in his
perisching; and iuste men schulen welde
hise goodis.
11 A ryche man semeth wijs to
him silf; but a pore man prudent schal
serche him note.
12 In enhaunsing of iust men
is miche glorie; whanne wickid men
regnen, fallyngis of men ben.
13 He that
hidith hise grete trespassis note, schal not be
maad ri&yogh;tful; but he that knoulechith and
forsakith tho, schal gete merci.
14 Blessid
-- --
is the man, which is euere dredeful note;
but he that is `harde of soule, schal falle note
in to yuel.
15 A rorynge lioun note, and an
hungry bere, is a wickid prince on a pore
puple.
16 A duyk nedi of prudence schal
oppresse note many men bi fals chalenge;
but the daies of hym that hatith aueryce,
schulen be maad longe.
17 No man susteyneth
a man that falsly chalengith the
blood note of a man, if he fleeth `til to the
lake.
18 He that goith simpli note, schal be
saaf; he that goith bi weiward weies,
schal falle doun onys note.
19 He that worchith
his lond, schal be fillid with looues;
he that sueth ydelnesse, schal be fillid
with nedynesse.
20 A feithful man schal be
preisid myche; but he that hastith note to
be maad riche, schal not be innocent.
21 He that knowith a face in doom note, doith
not wel; this man forsakith treuthe, &yogh;he,
for a mussel of breed.
22 A man that hastith
to be maad riche, and hath enuye to
othere men; woot not that nedinesse schal
come on hym.
23 He that repreueth a man,
schal fynde grace aftirward at hym; more
than he that disseyueth bi flateryngis of
tunge.
24 He that withdrawith ony thing
fro his fadir and fro his modir, and seith
that this is no synne, is parcener of a
manquellere.
25 He that auauntith note hym
silf, and alargith, reisith stryues; but he
that hopith in the Lord, schal be sauyd.
26 He that tristith in his herte note, is a fool;
but he that goith wiseli,
27 schal be preysid.
He that &yogh;yueth to a pore man, schal not be
nedi; he that dispisith `a pore man bisechynge,
schal suffre nedynesse.
28 Whanne
vnpitouse men risen, men schulen be hid;
whanne tho `vnpitouse men han perischid,
iust men schulen be multiplied.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
