Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIII.
1 A wijs sone is the teching of the fadir;
but he that is a scornere, herith not, whanne
he is repreuyd.
2 A man schal be fillid with
goodis of the fruit of his mouth; but the
soule of vnpitouse men is wickid.
3 He that
kepith his mouth, kepith his soule; but
he that is vnwar to speke, schal feel yuels.
4 A slow man wole, and wole not note; but the
soule of hem that worchen schal be maad
fat.
5 A iust man schal wlate a fals word;
but a wickid man schendith, and schal be
schent.
6 Ri&yogh;tfulnesse kepith the weie of
an innocent man; but wickidnesse disseyueth
a synnere.
7 A man is as riche note,
whanne he hath no thing note; and a man
is as pore note, whanne he is in many
richessis.
8 Redempcioun of the soule of
man is hise richessis; but he that is
pore, suffrith not blamyng.
9 The li&yogh;t of
iust note men makith glad; but the lanterne
of wickid men schal be quenchid.
-- --
10 Stryues ben euere a mong proude men;
but thei that don alle thingis with counsel,
ben gouerned bi wisdom.
11 Hastid note
catel schal be maad lesse; but that that
is gaderid litil and litil with hond, schal
be multiplied.
12 Hope which is dilaied,
turmentith the soule; a tre of lijf is desir
comyng.
13 He that bacbitith ony thing,
byndith hym silf in to tyme to comynge;
but he that dredith note the comaundement,
schal lyue in pees.
14 The lawe of a wise
man is a welle of lijf; that he bowe awei
fro the falling of deth note.
15 Good teching
schal &yogh;yue grace; a swolowe is in the
weie of dispiseris note.
16 A fel man doith alle
thingis with counsel; but he that is a
fool, schal opene foli.
17 The messanger of
a wickid man schal falle in to yuel; a
feithful messanger is helthe.
18 Nedynesse
and schenschip is to him that forsakith
techyng; but he that assentith note to a
blamere, schal be glorified.
19 Desir, if it is
fillid, delitith the soule; foolis wlaten hem
that fleen yuels.
20 He that goith with wijs
men note, schal be wijs; the freend of foolis
schal be maad lijk hem.
21 Yuel pursueth
synneris; and goodis schulen be &yogh;oldun
to iust men.
22 A good man schal leeue aftir
him eiris, sones, and the sones of sones;
and the catel of a synnere is kept to a
iust man.
23 Many meetis ben in the new
tilid feeldis of fadris; and ben gaderid to
othere men with out doom note.
24 He that
sparith the &yogh;erde, hatith his sone; but he
that loueth him, techith bisili.
25 A iust
man etith, and fillith his soule; but the
wombe of wickid men is vnable to be
fillid note.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
