Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIV.
1 A wijs womman bildith hir hous; and
an unwijs womman schal distrie with
hondis note an hous bildid.
2 A man goynge
in ri&yogh;tful weie, and dredinge God, is dispisid
-- --
of hym, that goith in a weie of
yuel fame.
3 The &yogh;erde of pride note is in the
mouth of a fool; the lippis of wijs men
kepen hem.
4 Where oxis ben not note, the
cratche is void; but where ful many
cornes apperen, there the strengthe of
oxe is opyn.
5 A feithful witnesse schal
not lie; a gileful witnesse bringith forth a
leesing.
6 A scornere note sekith wisdom, and
he fyndith not; the teching of prudent
men is esy.
7 Go thou a&yogh;ens a man a fool;
and he schal not knowe the lippis of prudence note.
8 The wisdom of a fel man is to
vndirstonde his weie; and the vnwarnesse
of foolis errith.
9 A fool scorneth synne note;
grace schal dwelle among iust men.
10 The
herte that knowith the bittirnesse note of his
soule; a straunger schal not be meddlid in
the ioie therof.
11 The hous of wickid men
schal be don awei; the tabernaclis of iust
men schulen buriowne.
12 Sotheli a weie is,
that semeth iust to a man; but the laste
thingis therof leden forth to deth.
13 Lei&yogh;yng
schal be medlid with sorewe; and
morenyng ocupieth the laste thingis of
ioye.
14 A fool schal be fillid with hise
weies; and a good man schal be aboue
hym.
15 An innocent man bileueth to eche
word; a felle man biholdith hise goyngis.
16 A wijs man dredith, and bowith awei fro
yuel; a fool skippith note ouer, and tristith.
17 A man vnpacient schal worche foli; and
a gileful man is odiouse.
18 Litle men of
wit schulen holde foli; and felle men
schulen abide kunnyng.
19 Yuel men schulen
ligge bifor goode men; and vnpitouse
men bifor the &yogh;atis of iust men.
20 A pore
man schal be hateful, &yogh;he, to his nei&yogh;bore;
but many men ben frendis of riche
men.
21 He that dispisith his nei&yogh;bore, doith
synne; but he that doith merci to a pore
man, schal be blessid. He that bileueth
in the Lord, loueth merci;
22 thei erren
that worchen yuel. Merci and treuthe
maken redi goodis;
23 abundaunce `schal
be in ech good werk. Sotheli where ful
-- --
many wordis ben, there nedynesse is ofte.
24 The coroun of wise men is the richessis note
of hem; the fooli of foolis is vnwarnesse.
25 A feithful witnesse delyuereth soulis; and
a fals man bringith forth leesyngis.
26 In
the drede of the Lord is triste of strengthe;
and hope schal be to the sones of it.
27 The
drede of the Lord is a welle of lijf; that
it bowe awei fro the fallyng of deth.
28 The
dignite of the king is in the multitude of
puple; and the schenschipe of a prince is
in the fewnesse of puple.
29 He that is
pacient, is gouerned bi myche wisdom;
but he that is vnpacient, enhaunsith his
foli.
30 Helthe of herte is the lijf of
fleischis; enuye is rot of boonys note.
31 He
that falsli chalengith a nedi man, dispisith
his maker; but he that hath merci on a
pore man, onourith that makere.
32 A
wickid man is put out for his malice; but
a iust man hopith in his deth.
33 Wisdom
restith in the herte of a wijs man; and
he schal teche alle vnlerned men.
34 Ri&yogh;tfulnesse
reisith a folc; synne makith puplis
wretchis.
35 A mynystre vndurstondynge note
is acceptable to a kyng; a mynystre
vnprofitable schal suffre the wrathfulnesse
of him.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
