Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XII.
1 He that loueth chastisyng, loueth kunnyng;
but he that hatith blamyngis, is
vnwijs note.
2 He that is good, schal drawe to
hym silf grace of the Lord; but he that
-- --
tristith in hise thou&yogh;tis, doith wickidli.
3 A man schal not be maad strong by
wyckidnesse; and the root of iust men
schal not be moued.
4 A diligent womman
is a coroun to hir hosebond; and rot is in
the boonys of that womman, that doith
thingis worthi of confusioun.
5 The thou&yogh;tis
of iust men ben domes; and the counselis
of wickid men ben gileful.
6 The wordis
of wickid men setten tresoun to blood;
the mouth of iust men schal delyuere hem.
7 Turne thou note wickid men, and thei schulen
not be note; but the housis of iust men
schulen dwelle perfitli.
8 A man schal be
knowun bi his teching; but he that is
veyn and hertles, schal be open to dispising.
9 Betere is a pore man, and sufficient
to him silf, than a gloriouse man, and nedi
of breed.
10 A iust man knowith the soulis
of hise werk beestis note; but the entrailis of
wickid men ben cruel.
11 He that worchith
his lond, schal be fillid with looues; but
he that sueth idilnesse, is moost fool. He
that is swete, lyueth in temperaunces;
and in hise monestyngis he forsakith dispisyngis.
12 The desir of a wickid man is
the memorial of worste thingis; but the
roote of iust men schal encreesse.
13 For the
synnes of lippis `falling doun nei&yogh;eth to
an yuel man; but a iust man schal scape
fro angwisch.
14 Of the fruyt of his mouth
ech man schal be fillid with goodis; and
bi the werkis of hise hondis it schal be
&yogh;oldun to him.
15 The weie of a fool is ri&yogh;tful
in hise i&yogh;en; but he that is wijs, herith
counsels.
16 A fool schewith anoon his ire;
but he that dissymelith wrongis, is wijs.
17 He that spekith that, that he knowith, is
a iuge of ri&yogh;tfulnesse; but he that lieth,
is a gileful witnesse.
18 A man is that bihetith note,
and he is prickid as with the
swerd of conscience; but the tunge of wise
men is helthe.
19 The lippe of treuthe schal
be stidfast with outen ende; but he that
is a sudeyn witnesse, makith redi the tunge
of leesyng.
20 Gile is in the herte of hem
-- --
that thenken yuels; but ioye sueth hem,
that maken counsels of pees.
21 What euere
bifallith to a iust man, it schal not make
hym sori; but wickid men schulen be fillid
with yuel.
22 False lippis is abhominacioun
to the Lord; but thei that don feithfuli,
plesen him.
23 A fel man hilith kunnyng;
and the herte of vnwise men stirith foli.
24 The hond of stronge men schal haue lordschip;
but the hond that is slow, schal
serue to tributis.
25 Morenynge in the herte
of a iust man schal make hym meke; and
he schal be maad glad bi a good word.
26 He that dispisith harm note for a frend, is a
iust man; but the weie of wickid men
schal disseyue hem.
27 A gileful man schal
not fynde wynnyng; and the substaunce note
of man schal be the prijs of gold note.
28 Lijf
is in the path of ri&yogh;tfulnesse; but the
wrong weie leedith to deeth.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
