Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. III.
1 Therfor Josue, fro ny&yogh;t arysynge, meuede
the tentis; and thei goynge fro Sechym
camen to Jordan, he and alle the
sones of Yrael, and dwelten there bi thre
dais.
2 The which ouerpassid, wenten bedels
bi the mydil of the tentis,
3 and bigunnen
to crye, Whanne &yogh;e seen the ark
of the boond of pees of the Lord oure
God, and prestis of the lynage of Leuy
berynge it, forsothe &yogh;e togidre riseth,
and folwe &yogh;e the forgoers;
4 and be
there betwixe &yogh;ou and the ark a space
of cubitis two thowsand, that aferre &yogh;e
mowen se, and knowe bi what weye &yogh;e
goon, for bifore &yogh;e han not goon bi it;
and be war, that &yogh;e ne&yogh;en not to the ark.
5 And Josue seide to the puple, Be &yogh;e halwid;
forsothe to morwe the Lord shal do
amonge &yogh;ow merueyls.
6 And he seith to
the prestis, Takith the ark of the boond
of pees of the Lord, and gooth before the
puple. The whiche the heestis fulfillynge
token, and wenten before hem.
7 And the
Lord seide to Josue, To day Y shal bigynne
to enhaunce thee before all Yrael,
that thei knowen, that as I was with
Moyses, so and I am with thee.
8 Forsothe
thow comaund to the preestis, that
beren the ark of the boond of pees, and
sey thou to hem, Whanne &yogh;e weren goon
in a paart of the watre of Jordan, stoondith
in it.
9 And Josue seide to the sones
of Yrael, Cometh hidre, and herith the
word of the Lord oure God.
10 And eft,
In this, he seith, &yogh;e shulen wyte that the
Lord God lyuynge in the mydil of &yogh;ow
is; and he shal scatre in &yogh;oure si&yogh;t Chanane,
Ethe, Euee, and Pherese, Gergese
forsothe, and Jebuse, and Amorre.
11 Loo!
the arke of the boond of pees of the Lord
of al erthe shal goo before &yogh;ow thur&yogh;
Jordan.
12 Makith redy twelue men of
-- --
twelue lynagis of Irael, eche bi eche
lynagis.
13 And whanne han put the steppis
of her feet the preestis, that beren the
arke of the boond of pees of the Lord
God of al erthe, in the watres of Jordan,
the watres that ben nethermore shulen
renne, and fayle; forsothe tho that camen
fro aboue shulen stoond togidre in o
glob.
14 Thanne wente out the puple fro her
tabernaclis, that thei passen ouer Jordan;
and the preestis that beren the arke
of the boond of pees &yogh;eden before hym.
15 And hem goon into Jordan, and the feet
of hem wet yn paart of the water; Jordan
forsothe fulfillide the brenkis of his
trow&yogh; in tyme of heruest;
16 the watris
dessendynge stoden in o place, and at
liknes of an hil mych swellynge thei
apereden ferre fro the cyte that was
clepid Edom, vnto the place Sarthan;
forsothe thoo that weren nethermore,
into the see of wildernes, that now is
clepid deed, dessendiden, forto thei vtterly
failiden.
17 Forsothe the puple wente
a&yogh;en Jordan; and the preestis, that beren
the arke of the boond of pees of the Lord,
stoden gyrd vpon the drye erthe in the
middil of Jordan, and al the puple passide
ouere thur&yogh; the drye trow&yogh;.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|