Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. II.
1 Sente thanne Josue, the sone of Nun,
fro Sechym two men, aspies in hidlis,
and seide to hem, Gooth, and biholdith
the loond, and the cyte of Jerycho. The
whiche goynge &yogh;eden into an hows of a
womman strumpet, Raab bi name, and
thei restiden anentis hir.
2 And it is told
to the kyng of Jerycho, and seid, Loo!
men ben goon yn hythir bi ny&yogh;t, of the
sones of Yrael, for to aspye the loond.
3 `And the kyng of Jericho sente to
Raab the strumpet, seiynge, Bryng out
the men, that camen to thee, and ben
comen into thin hows; forsothe aspies
-- --
thei ben, and al the loond to bihold thei
comen.
4 And the womman takynge the
men hidde, and seith, Y knowleche, that
thei camen to me, but Y knewe not
whens thei weren;
5 and whanne the &yogh;ate
was closid in derknessis, and thei togidrys
&yogh;eden out, Y note whidir thei wenten;
pursue &yogh;e anoon, and &yogh;e shulen atake hem.
6 Forsothe she made the men to stye vp
into the soler of hir hows, and couerde
hem with stuble of flaxe, that was there.
7 Forsothe thei, that weren sent, folweden
hem bi the weye that ledith to the foordis
of Jordan; and hem goon out, anoon the
&yogh;ate was closid.
8 And not &yogh;it thei hadden
slept, that weren hid, and loo! the womman
styede vp to hem,
9 and seith, Y haue
knowe that the Lord shal taak to &yogh;ow
the loond; forsothe &yogh;oure gastnes is faln
into vs, and alle the dwellers of the loond
ben abasshid.
10 We han herd, that the
Lord hath dryed vp the watres of the
Reed See at &yogh;oure incomynge, whanne &yogh;e
weren goon out of Egipte; and what &yogh;e
han doon to the two kyngis of Amorreis,
that weren bi&yogh;onde Jordan, Seon and
Og,
11 `the whiche &yogh;e han slayn; and thes
thingis herynge we dredden, and oure
herte basshede, ne spiryt bood in vs at
&yogh;oure yncomynge; forsothe the Lord &yogh;oure
God he is God in heuene aboue, and in
erthe bynethe.
12 Nowe therfor swere &yogh;e to
me bi the Lord &yogh;oure God, that what
maner wise Y mercy haue doo with &yogh;ow,
so and &yogh;e doo with the hows of my fader;
and &yogh;ife &yogh;e to me a verrey tokne,
13 that &yogh;e
sauen my fader and moder, and brother,
and my sisters, and alle that of hem ben,
and &yogh;e delyueren oure soulis fro deth.
14 The whiche answerden `to hir, Oure soule
be for &yogh;ou into deth, if neuerthelater
thow bitraye vs not; and whanne the
Lord hath taak to vs the loond, we shulen
-- --
do in thee merci and treuth.
15 She
thanne lafte hem bi a coord out of a
wyndowe; forsothe the hows of hir cleuede
to the wal.
16 And she seide to hem,
To the mounteyns stye &yogh;e, lest perauenture
thei turnynge a&yogh;ens a&yogh;ens comen to
&yogh;ow; there be &yogh;e hid thre days, to the
tyme that thei turnen a&yogh;en; and so &yogh;e
shulen goo bi &yogh;oure weye.
17 The whiche
seiden to hyr, Gyltles we shulen be fro
this ooth, with the which thow hast with
ooth boundun vs,
18 yf, we comynge into
the loond, this reed litil coord were not
a tokne, and thow byndist it in the windowe,
bi the which thow hast late vs go;
and thi fader and moder, bretheren and
al thi kynne thow gederist in thin hows;
19 he that the dore of thin hows were goon
out, the blood of hym shal be into his
heed, and we shulen be alien; forsothe
the blood of alle that with thee weren in
the hows, shal rebound into oure heed, if
hem eny man towchith.
20 And if vs thou
wolt bitraye, and this word brynge forth
into the mydil, we shulen be clene fro
this ooth, with the which thou hast made
vs swere.
21 And she answerde, As &yogh;e
han spokun, so be it doon. And letynge
hem that thei wente forth, she hongide
a litil reed coord in hir wyndowe.
22 Forsothe
thei goynge camen to the mounteyns,
and dwellyden there thre dais, to
the tyme that thei weren comen a&yogh;en
that pursueden; forsothe sechynge bi al
the weie, thei fonden hem not.
23 The
whiche comynge into the cyte, ben comen
a&yogh;en, and the spies descendiden fro the
hil; and ouerpassid Jordan thei camen to
Josue,
24 the sone of Nun; and thei tolden
to hym alle thingis that fellen to hem,
and seiden, The Lord hath taken al this
loond into oure hoondis, and thur&yogh; drede
ben throwe down alle the dwellers of it.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|