Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXI.
1 Whanne there were founde in the
loond that the Lord thi God is to &yogh;yue
to thee, a careyn of a slayn man, and
shal be vnknowun the gilti of the deth,
the more thur&yogh; birth shulen goon out,
2
and thi domesmen, and the spacis of alle
the cytees bi enuyroun shal be meetid
fro the place of the careyn;
3 and which
thei biholden be ner than other, the aldre
men of that citee shulen taak a shee calf
fro the droue, that hath not taak &yogh;ok, ne
loond hath kit with shaar;
4 and thei
shulen lede it to the row&yogh; valey, and
stony, that neuer was eeryd, ne seed
hath resseyued; and thei shulen kit in
it the scullis of the calf.
5 And preestis,
the sones of Leuy, whom the Lord thi
God hath chosun, that thei seruen to
hym, and blessen in his name, shulen goo
to, and at the word of hem al the nede
shal honge; and what euere thing is
clene or vnclene, be it demyd.
6 And the
more thur&yogh; birth of that cytee shulen
come to the slayn man, and thei shulen
wasshe her hoondis vpon the shee calf,
that ys smyten in the valey;
7 and thei
shulen seye, Oure hondis han not shad
this blood, ne eyen han seen.
8 Lord, be
merciable to thi puple Yrael, that thow
hast bou&yogh;t, and rette not the innocent
blood in the myddil of thi puple Irael.
And the gilt of the blood shal be taak
-- --
aweye fro hem.
9 Forsothe thow shalt be
alyen fro the blood of the innocent that
is shad, whanne thow dost that the Lord
hath comaundid.
10 If thow gost out to
the fi&yogh;t a&yogh;ens thin enemyes, and the Lord
thi God hath taken hem in thin hoond,
and hast brou&yogh;t chaytyues,
11 and seest in
the noumbre of cheytyues a feyr womman,
and louest hir, and wolt han hir to
wijf, thow shalt lede hir into thin hows;
12
the which shal shaue the heer, and shal
kyt about the naylis,
13 and she shal do
of the clooth in the which she is taak,
and sittynge in thin hows, she shal
weepe fader and hir moder o month;
and aftyrward thow shalt goon yn to
hir, and thow shalt sleep with hir, and
she shal be thi wijf.
14 Forsothe if afterward
she sittith not in thin inwit, thow
shalt leeue hir free, ne selle thow mayst
bi money, ne oppresse bi power, for thow
hast mekid hir.
15 If a man haue two
wyues, oon loued, and another odyows,
and getith of hir free chyldren, and the
sone of the odiows were first goten,
16 and
wold the substaunce among his sones
dyuyde, he shal not mowe the sone of
the loued make first goten, and put before
the sone of the odiows,
17 but the sone
of the odyows he shal knowe first goten,
and he shal &yogh;yue to hym of thes thingis
that he hath alle thingis dowble; forsothe
this is the bigynnynge of the free
children of hym, and to this ben owen
the first goten.
18 If a man gete a rebel
sone, and a fraward, that herith not the
fadres and modres heest, and clepid to
obeyshe,
19 dispise, thei shulen taak hym,
and lede to the aldre men of the citee of
hym, and to the &yogh;ate of doom;
20 and thei
-- --
shulen seye to hem, This oure sone is
fraward, and rebel; oure heestis dispisith
to here, to glotryes takith hede, and to
leccherye, and to feestis.
21 The puple of the
cytee shal throw hym down with stonus,
and he shal dye, that &yogh;e doon awei yuel
fro the myddil of &yogh;ou, and al Israel hering
wexe afeerd.
22 Whanne a man synneth
that that is to punysshynge bi deth,
and demed to deeth were hongid in the
gebet,
23 the careyn of hym shal not abide
in the tree, but in the same day shal be
biried; for cursid he is of God that hongith
in the tree, and thow shalt not defoule
thi loond that the Lord thi God
shal &yogh;yue to thee into possessioun.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|