Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXII.
1 Thow shalt not see the oxe of thi brother,
other sheep errynge, and biside
passe, but thow shalt leede a&yogh;en to thi
brother.
2 And if he is not thi ni&yogh; brothir,
ne knowist hym, thow shalt lede into
thin hows, and thei shulen be anentis
thee, as long as thi brothir sechith hem,
and resseyue.
3 Lijk maner thow shalt
doo of asse, and of clothinge, and of al
thing of thi brother, that is lost; if thow
fynde it, ne leeue it as alyen.
4 If thou
seest the asse of thi brother, or oxe, to
haue faln in the weie, thow shalt not
dispise, but vndur heeue with hym.
5 A
womman shal not be clothid with mannus
clothinge, ne man shal vse wommannus
clothing; abomynable forsothe
anentis God he is, that doth thes thingis.
6 If goynge bi the weie, in tree or in erthe
-- --
a nest of briddis thou fyndist, and the
moder to the bryddis or to the eyren
aboue sittynge, thow shalt not hold hyr
with the sones,
7 but thow shalt suffre hir
to goo awey, holdynge the sones takyn,
that wel it be to thee, and loong tyme
thow lyue.
8 Whanne thow bildist a newe
hows, thow shalt mak the wal of the roof
bi enuyroun, lest there be shad blood in
thin hows, and thow be gilti, that other
slidynge and fallynge hedlynge.
9 Thou
shalt not sowe thi vyn&yogh;eerd with other
seed, lest and the seed that thow hast
sowun, and that growen of the vyn&yogh;eerd,
`togidre ben halowed.
10 Thow shalt not
eere in oxe togidre and asse.
11 Thow shalt
not be clothid the clothing, that is weuen
of wulle and of flex.
12 Litil cordis in the
hemmes thow shalt make bi foure corners
of thi mantil, with the which thow
shalt be couerd.
13 If a man taak a wijf,
and afterward haue hir to haat,
14 and sechith
occasioun bi the which he leeue hir,
and castynge a&yogh;ens hyr a moost yuel
name, and seye, This wijf I haue take,
and goon yn to hir I foond hyr not
mayde;
15 the fadir and the moder of hir
shulen taak hir, and bere with hem the
toknes of hir maydynhod to the aldre
men of the citee, that ben in the &yogh;ate;
and the fader shal seye,
16 My dou&yogh;ter I
haue &yogh;yue wijf to this, whom for he
hatith,
17 he puttith to hir a moost yuel
name, that he seye, I haue not founde
thi dow&yogh;ter mayde; and loo! thes ben
the tokens of the meydynhod of my
dou&yogh;ter; and thei shulen spreede out the
clothing before the `aldre men of the
cytee.
18 And the aldre men of the citee
shulen taak the man of hir, and thei
-- --
shulen beet hym,
19 condempnynge also in
an hundrid siclys of siluer, `the whiche
he shal &yogh;yue to the fader of the mayde,
for he hath loosed the moost yuel name
vpon a maydyn of Yrael; and he shal
haue hir to wijf, and he shal not mowe
leeue hir, al the tyme of his lijf.
20 And if
it is soth, that he putte a&yogh;ens hyr, and is
not in the womman founden maydenhod,
21 thei shulen throw hir out of the &yogh;atis of
the hows of hir fader; and men of that
citee shulen throw hyr down with stonus,
and she shal dye, for she hath doon an
vnleful thing in Yrael, that she dide
lecherie in the hows of hir fader; and
thow shalt doo awei yuel fro the myddil
of thee.
22 If a man sleep with the wijf
of another, eyther shal die, that is, the
auowtreer and the auowtresse; and thow
shalt do awey yuel fro Yrael.
23 If a womman
mayden a man spowse, and eny
man in the cytee fynde hir, and lye with
hir,
24 thow shalt lede either to the &yogh;ate of
that cytee, and thei shulen be throwun
doun with stonus; the maydyn, for she
cryed not, whanne she was in the cytee;
the man, for he hath mekid the wijf of
his nei&yogh;bour; and thow shalt doo awey
yuel fro the myddil of thee.
25 Forsothe if
in the feeld a man fynde a womman that
is spowsid, and takynge ligge with hir,
he shal dye alone;
26 the womman no thing
shal suffre, ne is gilti of deeth; for as a
theef rysith a&yogh;ens his brother, and sleeth
the soule of hym, so and the womman
hath suffred;
27 aloone she was in the feeld,
and criede, and no man was ni&yogh; that
my&yogh;t delyuer hir.
28 If a man fynde a womman
meydyn, that hath no spows, and
takynge lie with hir, and the thing
-- --
cometh to doom,
29 he shal &yogh;yue, that hath
slept with hyr, to the fader of the womman
fifti sicles of siluer, and he shal
haue hir to wijf, for he hath mekid hir;
he shal not mowe leeue hyr, alle the dais
of his lijf.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
