Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XX.
1 If thow gost out to batail a&yogh;ens thin
enemyes, and seest rydinge, and charys,
and more multitude of the aduersarye
oost than thow hast, thow shalt not drede
hem; for the Lord thi God is with thee,
that hath lad thee out of the loond of
Egipt.
2 And ney&yogh;inge now batayl, the
preest shal stoond bifore the poynt, and
thus he shal spek to the puple,
3 Here,
Yrael, &yogh;e to day a&yogh;ens &yogh;oure enemyes doon
fi&yogh;t; drede not &yogh;oure herte, wol &yogh;e not
be feerd; wole &yogh;e not &yogh;yue sted, ne drede
&yogh;e hem;
4 for the Lord &yogh;oure God is in the
myddil of &yogh;ow, and for &yogh;ow a&yogh;ens the aduersaryes
`shal fi&yogh;t, that he delyuer &yogh;ow
fro perel.
5 The leders forsothe bi alle
companyes, herynge the oost, shal crye,
Who is the man that hath bild a newe
hows, and hath not parformed it? goo
he, and turne he a&yogh;en into his hows, lest
perauenture he dye in the bateyl, and
another parfourme it.
6 Who is that man
that hath plauntid a vyn, and &yogh;it not hath
maad it comoun, and of the which it is
leeueful to alle men to eete? go he, and
turn he a&yogh;en into his hows, lest perauenture
he dye in bateil, and another man
his office vse.
7 Who is man that hath
spousid a wijf, and hath not taak hir?
goo he, and turn he a&yogh;en into his hows,
lest perauenture he dye in bateil, and
another man take hir.
8 Thes thingis seid,
thei shulen adde other thinges, and spek
to the puple, Who is a man dreedful, and
-- --
with feerd herte? goo he, and turn a&yogh;en
into his hows, lest he make to drede the
hertis of his britheren, and as he by
dreed is gast.
9 And whanne the duykis
of the oost ben stil, and the eende of
spekynge han doon, echon his companyes
shal make redi to fi&yogh;tynge.
10 If eny tyme
thow comest ny&yogh; to a citee to be ouercomen,
first thow shalt offre to it pees.
11 If he resseyue, and open to thee the &yogh;atis,
al the puple that is in it shal be saued,
and shal serue to thee vndur tribute.
12 Forsothe if thei wolen not make couenaunt
of pees, and bigynnen a&yogh;ens thee
batayl, thow shalt fi&yogh;t a&yogh;ens it.
13 And
whanne the Lord thi God hath take it to
thee in thin hoond, thow shalt smyit al
that is in it of maal kynde in mouth of
the swerd,
14 with outen wymmen, and litil
children, and beestis, and other that ben
in the cytee. Al the praye thow shalt
dyuyde to the oost, and thou shalt eete
of the spuyles of thin enemyes, that the
Lord thi God hath &yogh;eue to thee.
15 Thus
thow shalt doo to alle cytees, that fro
thee ben ful fer, and ben not of thes
cytees that thow art to take into possessyoun.
16 Forsothe of thes cytees that shal
be &yogh;eue to thee, no man thow shalt suffre
to lyue,
17 but thow shalt slee in the mouth
of swerd; Ethee, that is, and Amorre,
and Chananee, and Phereze, Eue, and
Jebusee, as the Lord thi God hath comaundid
to thee;
18 lest perauenture thei
techen &yogh;ow to doon alle abhomynacyouns,
that thei han wrou&yogh;t to her goddis, and
&yogh;e synnen a&yogh;ens the Lord &yogh;oure God.
19 Whanne thow besegist a citee myche
tyme, and with waardis enuyrounnyst
that thow ouercome it, thow shalt not
kyt down trees, of the whiche may be
eeten, ne bi enuyroun with axes thow
shalt waast the regioun; for a tree it is
-- --
and no man, ne yt may encrees the
noumbre of men fi&yogh;tynge a&yogh;ens thee.
20 Forsothe if eny trees ben not berynge
applis, but wijlde, and able into other
vses, kit doun, and mak engynes, to the
tyme that thow taak the cytee that
fi&yogh;tith a&yogh;ens thee.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|