Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIX.
1 Whanne the Lord thi God shal scatre
the gentilis, whos loond he is to take to
thee, and thow weeldist it, and dwellist
in the citees of it, and in the howses;
2 thre citees thow shalt seuer to thee in
the myddil of the loond that the Lord
thi God shal &yogh;yue to thee into possessioun.
3 Thow shalt bisily make redi a weye, and
dyuyde in thre partis euenlich al the
prouynce of thi loond, that he that for
manslau&yogh;ter is flowun, haue fro ny&yogh; whedir
he may scaap.
4 This shal be lawe of
the mansleer fleynge, whos lijf is to be
kept. He that smytith his nei&yogh;bore vnwitynge,
and that &yogh;isterday or the thridde
day hens, noon a&yogh;ens hym to haue had
haat is preued,
5 but to haue goo aweye
with hym symplich into the wode to
trees to be kit, and in the hewynge of
the trees the axe fleeth the hoond, and
the yren, slipt of fro the haft, smytith
his freend, and sleeth; this to oon of the
forseid citees shal flee&yogh;, and lyue;
6 lest
perauenture the `next of kyn of hym,
whos blood is shed, thur&yogh; sorwe styryd
pursue, and take hym, if lenger the weie
were, and smyte the soule of hym that is
not gilty of deeth; for noon a&yogh;ens hym
that is slayn haat to haue hadde before
is shewid.
7 Therfor Y comaunde to thee,
that thre citees of euen space bitwixe
hem self thow deuyde.
8 Forsothe whanne
the Lord thi God hath largid thi teermys,
as he swore to thi fadres, and hath
&yogh;yue to thee al the loond, that to hem he
bihi&yogh;t;
9 if neuerthelater thow kepist the
-- --
heestis of hym, and dost that to day I
comaunde to thee, that thow loue the
Lord thi God, and goo in his weyes al
tyme, thow shalt adde to thee three
other citees, `and of the three cytese aboue
seide the noumbre thow shalt dowble,
10 that
giltles blood be not shed in the myddil
of the loond that the Lord thi God shal
&yogh;yue to thee to be weldid, lest thou be of
blood gilti.
11 Forsothe if eny hauynge his
nei&yogh;bour to haat, weitid to the lijf of hym,
and rysynge smyte hym, and were deed,
and fleeth to oon of the aboue seid citees,
the aldren of that citee shulen seende,
12
and taken hym fro the place of his out
fleynge; and thei shulen take into the
hoond of the nei&yogh;bour `of hym, whos
blood is shed,
13 and he shal die, ne thow
shalt haue mercy of hym; and thow shalt
doo awey gilti blood fro Yrael, that wel
it be to thee.
14 Thow shalt not take, and
ouerbere the teermes of thi nei&yogh;bour, `the
whiche han maad rather men in thi possessioun,
that the Lord thi God shal &yogh;yue
to thee, in the loond that thow takist to
be weldid.
15 O witnes shal not stoond a&yogh;ens
eny man, what euere thing it were of
synne, or of greet trespas; but in mouth
of two or of three witnessis shal stoonde
ech word.
16 If there stoonde a witnes ly&yogh;er
a&yogh;ens man, accusynge hym of trespas,
17 thei
shulen stoond bothe, of whom is the
cause, before the Lord, in the si&yogh;t of
preestis, and domysmen, that weren in
thilk days.
18 And whanne moost bisily
enseerchynge thei fynden the fals witnes
to haue seide a&yogh;ens his brothir leesynge,
&yogh;eelde thei to hym,
19 as he thou&yogh;te to doo
to his brother; and thou shalt doo awey
yuel fro the myddil of thee,
20 that othere
men herynge, han drede, and be not hardy
to doo siche thingis.
21 Thow shalt not haue
-- --
mercy of hym, but lijf for lijf, eye for
eye, tooth for tooth, hoond for hoond,
foot for foot thow shalt axe.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
