1   The seuenthe &yogh;eer thow shalt doo remyssyoun, 2   that in this ordre shal be halowid. To whom is owed eny thing, of freend, or nei&yogh;bore, and his brother, he shal not mowe a&yogh;en aske it, for &yogh;eer of remyssioun of the Lord it is. 3   Of pilgrime and comlyng thow shalt aske; thow shalt not haue power of a&yogh;en askynge the citeseyn and ny&yogh; kyn; 4   and algatis nedi and begger there shal not be among &yogh;ow, that the Lord thi God blesse to thee, in the loond that the Lord is to take to thee in to possessioun. 5   If neuerthelater thou here the voyce of the Lord thi God, and kepist alle thingis that he comaundith, and that I to day comaunde to thee, he shal blesse to thee, as he hath bihoot. 6   Thow shalt leen vndur wed to many folk of kynde, and thi silf shalt borowe of no man; thow shalt haue lordship vpon manye naciouns, and no man shal haue lordship vpon thee. 7   If oon

of thi bretheren, that dwellith with ynne the &yogh;atis of thi citee, in the loond that the Lord thi God is to &yogh;yue to thee, to pouerte come, thow shalt not a&yogh;en hard thin herte, 8   ne withdrawe the hoond, but opyn it to the pore, and thow shalt &yogh;yue loon that thow seest hym to nede. 9   Be war lest perauenture vndur crepe to thee a wickid thou&yogh;t, and seye in thin herte, The seuenthe &yogh;eer of remyssioun nei&yogh;eth; and thow turne awey thin eyen fro thi pore brother, not wilnynge to leene hym, that he askith to borwe; lest he crye a&yogh;ens thee to the Lord, and it be maad to thee into synne. 10   But thow shalt &yogh;yue to hym, and thow shalt not doo eny thing fellich in his nedis to be releued, that the Lord thi God blesse to thee in al tyme, and in alle thingis to whiche thow puttist hoond. 11   There shulen not faile pore men in the loond of thi dwellynge; therfor I comaunde to thee that thow opyn the hoond to thi nedi brother, and pore, that in the loond dwellith with thee. 12   Whanne to thee were sold thin Ebrewe brother, or Ebrewe womman, and sixe &yogh;eer serue to thee, in the seuenthe &yogh;eer thou shalt leeue hym free. 13   And whom with freedam thow &yogh;yuest, thou shalt not suffre to goon awey voyd; 14   but thow shalt &yogh;yue weyfode of the flockis, and of the flore, and of thi presse, in the which the Lord thi God hath blessid to thee. 15   And haue mynde that thi self seruedist in the loond of Egipte, and the Lord thi God hath delyuered thee, and therfor I now comaunde to thee. 16   Forsothe if he seith, Y wole not goo out, for thi that he loueth thee, and thin hows, and wel felith hym silf to be anentis thee, 17   thow shalt take `a nal, and thril his eer in the &yogh;ate

of thin hows, and serue he to thee into with outen eende; and to the thral womman lijk maner thou shalt doo. 18   Thow shalt not take awey fro hem thin eyen, whanne thow leeuest hem fre, for after the mede of the hired man bi sixe &yogh;eer he seruede to thee; that the Lord thi God blesse to thee, in alle the werkis that thow doost. 19   Of thi first goten, that ben born in droues, and thi sheep, and what euere thing is of maal kynde, thow shalt halwe to the Lord thi God. Thou shalt not worche in the first goten of oxe, ne thou shalt shere the first goten of sheep. 20   In the si&yogh;t of the Lord thi God thow shalt eete hem bi eche &yogh;eer, in the place that the Lord hath chosen, thou, and thin hows. 21   Forsothe if it haue wemme, or were crokid, or blynde, or in eny part defourme, or feble, it shalt not be offerd to the Lord thi God; 22   but with ynne the &yogh;atis of thi cytee thow shalt eete it, as wel clene as vnclene, lijk maner thei shulen eete hem, as capret and hert. 23   This onely thow shalt kepe wel, that the blood of hem thou eete not, but held thou out into the erthe as water.

Previous section

Next section