Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XVI.
1 Kepe wel the monthe of the newe
fruytis, and of the first veer tyme, that
thou doo pask to the Lord thi God; for
in this monthe the Lord thi God ladde
thee out of Egipt bi ny&yogh;t.
2 And thou shalt
offre paske to the Lord thi God, of sheep,
or of oxen, in the place that the Lord
thi God chees, that the name of hym
dwelle there.
3 Thou shalt not eete in it
sowred breed; seuen days thou shalt eete
with outen sourdow&yogh;, breed of greet traueyle,
-- --
for in inward drede thou wentist
out of Egipt, for thou shuldist haue
mynde of the day of thi goynge out of
Egipt, alle the days of thi lijf.
4 There
shal not apere sowred breed seuen days
in alle thi teermys, and there shal not
leeue of the flesh of it that is offerd the
euen, in the first day the morwen.
5 Thou
shalt not mowe offre paske in eche of
thes thi citees that the Lord thi God is
to &yogh;yue to thee,
6 but in the place that the
Lord thi God chesith, that the name of
hym dwelle there; thou shalt offre paske
the euen, at the sunne goynge down,
whanne thow wentist out of Egipt.
7 Thou
shalt make it ynow&yogh;, and eete, in the place
that the Lord thi God chesith, and erly
rysyng thow shalt goo into thi tabernaclis.
8 Sexe dayes thou shalt eete theerf
looues; and in the seuenthe day, for it
is the quylet of the Lord thi God, thou
shalt not doo werk.
9 Seuen wekis thou
shalt noumbre to thee, fro that day that
thou puttist thi kuttynge yren into the
corn;
10 and thou shalt halwe the feest day
of the seuen wekes to the Lord thi God,
a wilful offrynge of thin hoond, that thow
shalt offre after the blessynge of the Lord
thi God.
11 And thou shalt eete before the
Lord thi God, thou, and thi sone, and thi
dou&yogh;tre, and thi seruaunt, and thin handmayde,
and Leuyte that is with ynne thi
&yogh;atis, and comlynge, and faderles child,
and wydowe, that dwellen with &yogh;ow, in
place that the Lord thi God chesith, that
his name dwelle there.
12 And thou shalt
record for seruaunt thou were in Egipt,
and kepen and doon that ben comaundid.
13 And the solempte of the tabernaclis thou
shalt halwe, bi seuen days, whanne thou
hast gedrid of the flore, and of the presse
thi fruytis;
14 and shalt eete in thi feest
day, thou, and thi sone, and thi dou&yogh;ter,
and thi seruaunt, and handmayd, Leuyte
-- --
also and comlynge, and faderlesse child,
and widew, that ben with ynne thi &yogh;atis.
15 Seuen days to the Lord thi God feestis
thou shalt halowe, in the places that the
Lord chesith; and the Lord thi God shal
blesse to thee, in alle thi fruytis, and in
al werk of thin hoondis, and thou shalt
be in gladnes.
16 Thre sithes in the &yogh;eer
shal apere eche thi maal child in the si&yogh;t
of the Lord thi God, in the place that
he chesith, in the solempnyte `of therf
looues, and the solempnyte of wekis,
and in the solempnyte of tabernaclis. He
shal not apere before the Lord voyd;
17 but
echon shal offre, after that he hath, after
the blessynge of the Lord his God, that
he &yogh;yueth to hym.
18 Domesmen and maystris
thow shalt ordeyn in alle thi &yogh;atis,
that the Lord thi God shal &yogh;yue to thee,
bi alle thi lynagis, that thei demen the
puple bi ri&yogh;t doom,
19 ne into another paart
declinen. Thou shalt not accept persone,
ne &yogh;iftis, for &yogh;iftis blynden eyen of wise
men, and chaungen wordis of ri&yogh;twis
men.
20 Ri&yogh;twisly that is ri&yogh;t thou shalt
pursue, that thou lyue, and weeld the
loond, that the Lord thi God shal &yogh;yue
to thee.
21 Thou shalt not plaunt a mawmet
wode, and al tree biside the auter
of the Lord thi God;
22 ne thou shalt make
to thee and ordeyn ymage; the whiche
thingis hatith the Lord thi God.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|