Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXX.
1 Moyses forsothe tolde to the sones of
Yrael alle thingis that the Lord comaundide
hym.
2 And he spak to the
princes of the lynagis of the sones of
Yrael,
3 This is the word that the Lord
comaundide, If eny of men auowe to the
Lord auowid, other hym silf bi ooth
streynede, he shal not make at no&yogh;t his
word, but al that he bihi&yogh;t he shal fulfil.
4 A womman &yogh;if eny thing she auowith,
and hir silf streyn bi ooth, the which
is in the hows of hir fader, &yogh;it in childis
age, if the fader knowe the vowe, that
she hath bihoot, and the ooth, bi the
which hir soul she hath oblishid, and
holde his pees, she shal be gilti of the
auowe;
5 what thing she hath bihoot and
swerith, in werk she shal fulfil.
6 If forsothe
anoon as the fader herith, he withseith
it, and the vowis and the oothis of
hir shulen be at nou&yogh;t, ne she shal `be
holdun gilti to the biheest, forthi that
the fader a&yogh;enseide it.
7 If she haue an
housboond, and auowe eny thing, and
onys a word of hir mouth goynge out
-- --
the soul of hir oblishe bi ooth,
8 what day
the man herith, and withseith not, she
shal be gilti of the vowe; what thing
euer she hath bihoot, she shal &yogh;elde.
9 If
forsothe anoon herynge he withseith, and
he makith at nou&yogh;t al the bihest of hir,
and the wordis by the which she streynede
hir soul, the Lord shal for&yogh;yue to
hir.
10 A widew, and a departid, what
thing thei auowen thei shulen &yogh;eelde.
11 A
wijf in the hows of hyr man, whanne
she byndith hir bi auowe,
12 and bi ooth, if
the man here, and holde his pees, ne
withseith to the biheest, she shal &yogh;eeld
what euer thing she hath bihoot.
13 If forsothe
anoon he withseith, she shal not
`be holdun gilti of the biheest, for the
husboond withseith, and the Lord shal
for&yogh;yue to hir.
14 If she auowe, and bi ooth
streyne hir self, that bi fastynge and abstynens
of other thingis she traueyl hir
soul, in the dome of the man it shal be,
that she do it, or not do it.
15 And if the
man herynge holde his pees, and into another
day deferre the sentence, what euer
thing she hath vowid and bihoot, she
shal &yogh;eeld, for anoon as he herde, he
heelde his pees.
16 If forsothe he withseith,
after that he assentide, he shal bere the
wickidnes of hir. Thes ben the lawes
that the Lord ordeynde to Moyses, bitwix
man and womman, bitwix fader
and dou&yogh;ter that is &yogh;it in childis age,
other that in the hows of fader and
modir dwelleth.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
