CAP. XXIX.
1 Of the seuenthe moneth forsothe the
firste day holy and worshipful shal be to
&yogh;ow; al seruyle werk &yogh;e shulen not doon
in it, for the day of noyse it is, and of
trompes.
2 And &yogh;e shulen offre brent sacrifice,
into moost swete smel to the Lord,
a calf of the droue oon, o wether, and
loombes of o &yogh;eer, vnwemmed, seuen;
3 and
in the sacrifices of hem, of tried flour
spreynt with oyle, thre dymes bi eche
calues,
4 two dymes bi a wether, o dyme
bi a loomb, that ben togidre seuen
loombes.
5 And a goot for synne shal be
offred,
6 in clensynge of the puple, biside
the brent sacrifice of calendis, with her
sacrifices, and brent sacrifice euerlastynge,
with woned offred licours; with the same
serymoyns &yogh;e shulen offre into the moost
swete smel, encense to the Lord.
7 The
tenthe forsothe day of this seuenthe
monthe shal be to &yogh;ow hooly and worshipful,
and &yogh;e shulen traueyl &yogh;oure
soulis; al seruyle werk &yogh;e shulen not doo
in it.
8 And &yogh;e shulen offre brent sacrifice
to the Lord, into moost swete smel;
a calf of the droue oon, a wether oon,
loombis of o &yogh;eer, vnwemmed, seuen;
9 and
in the sacrifices of hem, of tried flour
spreynt with oyle thre dymes bi eche
calues,
10 two dymes bi a wethre, a dyme
of the tithe bi eche loombis, that ben
togidir seuen loombis;
11 and o goot for
synne, with outen hem that ben woned
to be offred for trespas in purgynge, and
the brent sacrifice euerlastynge in sacrifice,
-- --
and offrid licours of hem.
12 The fiftenthe
forsothe day of the seuenthe
monthe, the which to &yogh;ow shal be holi
and worshipful; al seruyle werk &yogh;e shulen
not doo in it, but &yogh;e shulen halwe the
solempnyte to the Lord seuen days;
13 and
&yogh;e shulen offre brent sacrifice, into the
moost swete smel to the Lord, calues of
the droue threteen, wethers two, loombis
of o &yogh;eer, vnwemmed, fourteen;
14 and in
the sacrifices of licours of hem, of tryed
flour spreynt with oyle thre dymes bi
eche calues, that ben to gidre calues thretteen,
and two dymes to o wether, that is,
to two wethers to gidre, to o wether oon,
and the tithe of a dyme to eche loombis,
15
that ben to gidre loombis fourteen;
16 and
o goot for synne, with out the brent sacrifice
euerlastynge, and the sacrifice, and
the sacrified licour of it.
17 In that other
day &yogh;e shulen offre calues of the droue
twelue, wethers two, loombis of o &yogh;eer,
vnwemmed, fourteen;
18 and sacrifices, and
sacrified licours of echon, bi the calues,
and wethers, and loombis, dulich &yogh;e shulen
halwe;
19 and a goot for synne, with
outen brent sacrifice euerlastynge, and
the sacrifice of it, and the offrynge of licours.
20 The thridde day &yogh;e shulen offre
calues elleuen, wethers two, loombis of o
&yogh;eer, vnwemmed, fourteen;
21 and the sacrifices,
and the sacrified licours of echon, bi
calues, and wethers, and loombs, dulich
&yogh;e shulen halwe;
22 and a goot for synne,
with outen brent sacrifice euerlastynge,
and the sacrifice, and the offryng of licours
of it.
23 The ferthe day &yogh;e shulen
offre calues ten, wethers two, loombs of
o &yogh;eer, vnwemmed, fourteen;
24 and the sacrifices,
and the sacrified licours of echon,
bi calues, and wethers, and loombis, duelich
&yogh;e shulen halwe;
25 and a goot for
-- --
synne, with oute the brent sacrifice euerlastynge,
and the sacrifice of it, and the
offringe of licours.
26 The fifthe day &yogh;e
shulen offre nyne calues, wethers two,
loombis of o &yogh;eer, vnwemmed, fourteen;
and the sacrifices,
27 and the offrynge of licours
of echon, bi calues, and wethers,
and loombs, duelich &yogh;e shulen halwe;
28 and
a goot for synne, with out the brent sacrifice
euerlastynge, and the sacrifice of
it, and the offrynge of licours.
29 The sixte
day &yogh;e shulen offre calues ei&yogh;t, and wethris
two, loombes of o &yogh;eer, and vnwemmed,
fourteen;
30 and the sacrifices,
and the offryngis of licours of echon, bi
calues, and wethers, and loombis, duelich
&yogh;e shulen halwe;
31 and a goot for synne,
with out the brent sacrifice euerlastynge,
and the sacrifice of it, and the offrynge
of licours.
32 The seuenthe day &yogh;e shulen
offre calues seuen, wethers two, loombs
of o &yogh;eer, vnwemmed, fourteen;
33 and the
sacrifices, and the offryngis of licours of
echon, bi calues, and wethers, and loombs,
duelich &yogh;e shulen halwe;
34 and o goot for
synne, with oute the brent sacrifice euerlastynge,
and the sacrifice of it, and the
offrynge of licours.
35 The ei&yogh;tith day that
is moost solempne, al seruyle werk &yogh;e
shulen not doo,
36 offrynge brent sacrifice
into the moost swete smel to the Lord,
o calf, o wether, loombis of o &yogh;eer, vnwemmed,
seuen;
37 and the sacrifices, and
the offryngis of licours of echon, bi calues,
and wethers, and loombs, duelich &yogh;e shulen
halwe;
38 and a goot for synne, with
out the brent sacrifice euerlastynge, and
the sacrifice of it, and the offrynge of licours.
39 Thes thingis &yogh;e shulen offre to
the Lord, in &yogh;oure solempnytees, biside
the vowes, and wilful offryngis, in brent
-- --
sacrifice, in sacrifice, in offrynge of licour,
and in pesible oostis.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].