Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. IV.
1 I seye forsothe, how moche tyme the
eyr is litil, he dyuersith no thing fro a
seruaunt,
2 whanne he is lord of alle; but
he is vndir tutouris and actouris, `til to
the tyme determyned of the fadir.
3 So
and we, whanne we weren litile, weren
seruynge vndir the elementis of the
world.
4 But where the plente of tyme
cam, God sente his sone, maad of a womman,
maad vndir the lawe,
5 that `he schulde
a&yogh;enbye hem that weren vndir the lawe,
that we schulde resceyue the adopcioun
-- --
of sones.
6 Forsoth for &yogh;e ben the sones of
God, God sente the spirit of his sone into
&yogh;oure hertis, criynge, Abba, `that is, fadir.
7 And so now ther is not seruaunt, but
sone; that if sone, thanne and eyr bi God.
8 But thanne sothli &yogh;e vnknowynge God,
seruyden to hem that weren not goddis,
in kynde.
9 Now forsoth whanne &yogh;e han
knowen God, &yogh;he, rathere &yogh;e ben knowen
of God, hou ben &yogh;e turned to gidere eftsoone
to syke, `or freel, and nedy elementis,
to whiche &yogh;e wolen serue eftsoone?
10 &YOGH;e kepen dayes, and monethis,
and tymes, and &yogh;eeris.
11 Forsoth I drede
&yogh;ou, lest perauenture I haue trauelid in
&yogh;ou withoute cause.
12 Be &yogh;e as I, for and
`I as &yogh;e. Britheren, I biseche &yogh;ou, &yogh;e han
no thing hirt me.
13 Sothli &yogh;e witen, for
by infirmyte of fleisch I haue euangelisid
to &yogh;ou now bifore; and &yogh;oure temptacioun
in my fleisch &yogh;e dispiseden not,
14 neither
forsoken, but &yogh;e resceyueden me as an
aungel of God, as Crist Jhesu.
15 `Therfore
wher is &yogh;oure blessinge? Sothli I bere
witnessinge to &yogh;ou, for if it my&yogh;te be
don, &yogh;e schulden haue put out &yogh;oure y&yogh;en,
and haue &yogh;ouun to me.
16 Therfore am I
maad enemy to &yogh;ou, seiynge trewe thing
to &yogh;ou?
17 Forsothe thei louen `&yogh;ou not
wel, but thei wolen exclude &yogh;ou, that &yogh;e
sue hem.
18 Forsothe sue &yogh;e good euermore
in good, and not oonly whanne I am present
anentis &yogh;ou.
19 My litle sones, whom
I childe, `or brynge forth by traueyl, eftsoone,
til Crist be fourmyd in &yogh;ou,
20 forsothe
I wolde now be at &yogh;ou, and chaunge
my vois, for I am confoundid, `or schamed,
in &yogh;ou.
21 Seie &yogh;e to me, that wolen
be vndir lawe, han &yogh;e not radd the lawe?
22 Sothli it is writun, for Abraham hadde
-- --
twey sones, oon of the hand mayden, and
oon of the fre wyf.
23 Forsoth he that of
the `hand mayden, vp the fleisch `was
borun; but he that of the fre wyf, by
a&yogh;enbiheeste.
24 The whiche thingis ben
seid by allegorie, `or goostly vndirstondinge.
Sothli thes thingis ben twey testamentis;
sothli `that oon in the mount of
Syna, gendringe in to seruage, that is
Agar.
25 Forsoth Syna is an hil in Arabie,
the which is ioyned to it that now is
Jerusalem, and seruith with her sones.
26 Forsothe that Jerusalem that is aboue, is
free, the which is oure modir.
27 Forsoth
it is writun, Be glad, thou bareyne, that
childist not, or bryngist not forth child;
brek out and crie, thou that childist not;
for manye sones of the `desert, or left
womman, more than of hir that hath an
housbonde.
28 Forsothe, britheren, we ben
vp Isaac the sones of biheeste;
29 but how
thanne he that was borun vp the fleisch
pursuwide him that vp the spirit, so and
now.
30 But what seith the scripture? Cast
out the hand mayden and hir sone, forsoth
the sone of the hand mayden schal
not be eyr with the sone of the free wyf.
31 `And so, britheren, `we ben not sones of the
hand mayden, but of the free wyf, by
which liberte Crist hath `maad vs free.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
