Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. V.
1 Therfore stonde &yogh;e, and eftsoone nyle
&yogh;e be to gidere holdun in &yogh;ok of seruage.
2 Loo! I Poul seie to &yogh;ou, for if &yogh;e ben
circumcidid, Crist schal profite to &yogh;ou nothing.
3 Sothli I bere witnessinge eftsoone
to euery man circumsiding him silf, for
he is dettour of al the lawe for to be don.
-- --
4 &YOGH;e ben auoydid fro Crist, &yogh;e that ben iustified
in the lawe han fallen awey fro
grace.
5 Forsoth we by spirit of feith
abiden the hope of ri&yogh;twysnesse.
6 Forwhi
in Crist Jhesu nethir circumcisioun is ony
thing worth, nether prepucie, `that is,
maner of hethen men, but feith that
worchith by charite.
7 &YOGH;e `runnen wel;
who lettide &yogh;ou for to not obeische to
treuthe?
8 To no man consente &yogh;e; forsoth
this persuacioun, `or softe mouynge,
is not of hym that clepide &yogh;ou.
9 A litil
sourdow&yogh; corumpith al the gobet.
10 I
truste of &yogh;ou in the Lord, that &yogh;e schulen
vndirstonde noon othir thing. Forsothe
he that disturblith &yogh;ou, schal bere dom,
who euere he is.
11 Forsothe, britheren, if
I preche &yogh;it circumcisioun, what &yogh;it suffre
I persecucioun? therfore the sclaundre
of the cross is avoydid.
12 I wolde and
thei that disturblen &yogh;ou, be kitt of.
13 Forsoth,
britheren, &yogh;e ben clepid into liberte
oonly; `&yogh;yue &yogh;e not liberte in to occasioun
of fleisch, but by charite of spirit serue
&yogh;e to gidere.
14 Forsoth al the lawe is fulfillid
in o word, Thou schalt loue thi
nei&yogh;bore as thi silf.
15 For if &yogh;e biten to
gidere, and eten, se &yogh;e, lest &yogh;e be waastid
fro a twynne, `or ech fro othir.
16 Forsoth
I seie in Crist, wandre &yogh;e in spirit,
and &yogh;e schulen not perfoorme the desyris
of fleisch.
17 For the fleisch coueitith a&yogh;en
the spirit, sothli the spirit a&yogh;ens the fleisch;
forsothe thes ben aduersaries to hem silf
to gidere, that &yogh;e do not tho thingis, what
euere thingis &yogh;e wolen.
18 For if &yogh;e ben
led by the spirit, &yogh;e ben not vndir the
lawe.
19 Forsothe the workis of the fleisch
ben opyn, the whiche ben fornycacioun,
vnclennesse,
20 vnchastite, leccherie, seruynge
-- --
of ydols, `or false goddis, doyngis of
venym,
21 enemytees, stryues, enuyes, `or
folowyngis in yuel, wraththis, chidingis,
dissenciouns, sectis, `or heresyes, enuyes,
mansleyngis, drunkenessis, glotenyes, and
lyche thingis to thes, the whiche I preche
to &yogh;ou, as I bifore seide, for thei that don
suche thingis, schulen not haue the kingdom
of God.
22 Forsothe the fruyt of the
spirit is charite, ioye, pees, pacience, benygnyte,
`or good will, goodnesse, long
abydynge,
23 myldenesse, feith, temperaunce,
contynence, chastite; a&yogh;ens such thingis
the lawe is not.
24 Forsoth thei that ben of
Crist, han crucified her fleisch with vices
and concupiscencis, or coueitisis.
25 If we
lyuen by spirit, `by spirit and walke we;
be we not maad coueitous of veyn glorie,
26
to gidere stiringe to wraththe, hauynge
enuye to gidere.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
