Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. III.
1 A! &yogh;e witlees men of Galathie, who
disceyuede &yogh;ou for to `not bileue to the
treuthe? bifore whos y&yogh;en `Jhesu Crist is
dampnyd, `or excilid, and in &yogh;ou crucifyed.
2 This thing oonli wole I lerne of
&yogh;ou, han &yogh;e take the spirit of the workis
of the lawe, wherof the heeringe of
bileue?
3 So &yogh;e ben foolis, that whanne &yogh;e
bigunne by spirit, now &yogh;e ben endid by
fleisch.
4 &YOGH;e han suffrid so many thingis
withoute cause, nethelees if with oute
cause.
5 Therfore he that &yogh;yueth to &yogh;ou the
spirit, and worchith vertues in &yogh;ou, whethir
of the worchis of lawe, or of heeringe
of feith?
6 As it is writun, Abraham
bileuyde to God, and it is rettid to him
to ri&yogh;twysnesse.
7 Therfore knowe &yogh;e, that
thei that ben of the feith, thei ben
sones of Abraham.
8 Forsothe the scripture
purueyinge, for God iustifieth of
-- --
feith hethen men, toold bifore to Abraham,
For in thee alle folkis, `or hethene
men, schulen be blessid.
9 Therfore thei
that ben of the feith, schulen be blessid
with feithful Abraham.
10 Forsoth who
euere ben of the workis of lawe, ben
vndir curs; for it is writun, Cursid ech
man, that `schal not dwelle in alle thingis
that ben writun in the booke of lawe, that
he do hem.
11 Forsoth for no man is
iustified in the lawe anentis God, it is
knowen, for a ri&yogh;tful man lyueth of feith.
12 Forsoth the lawe is not of bileue, but he
that `schal do tho thingis, schal lyuen in
hem.
13 Crist deliuerede vs fro the curs
of the lawe, maad for vs curs, `that is,
sacrifice for curs; for it is writun, Cursid
is ech that hangith in the tree;
14 that blessinge
of Abraham in hethen men schulde
be maad in Crist Jhesu, that we take the
biheeste of spirit by feith.
15 Britheren, I
seye vp man, nethelees no man dispisith
the testament of a man, or `ordeyneth
aboue.
16 Biheestis ben seid to Abraham
and to his seed; he seith not, In seedis,
as in manye, but as in oon, And in thi
seed, that is, Crist.
17 Forsoth I seie this, a
testament confermyd of God, the which
aftir foure hundrid &yogh;eeris and thritti `is
maad lawe, makith not voyde `for to avoyde
the biheeste.
18 Forwhy if of lawe
the heritage, now not of biheeste. Forsoth
God &yogh;af to Abraham bi a&yogh;enbiheeste.
19 What therfore lawe? For trespassynge
it is putt, til the seed cam, to whom God
bihi&yogh;te thingis ordeyned by aungelis, in
the hond of a medyatour.
20 Forsoth a
mediatour is not of o thing. Forsoth God
-- --
is oon.
21 Therfore the lawe anentis, `or
contrarie to, the heestis of God? Fer
be it. Sothli if ther were a lawe &yogh;ouun,
the which my&yogh;te quykene, vereily ri&yogh;twysnesse
were of lawe.
22 But the scripture
enclosyde alle thingis vndir synne,
that biheeste schulde be &yogh;ouun of the
feith of Jhesu Crist to men bileuynge.
23 Forsothe bifore that the feith cam, we
weren kept vndir the lawe, schette to gidere
in to that faith that was to be schewid.
24 `And so the lawe was oure litil maistir
in Crist, that we be iustified of the feith.
25 But where the feith cam, now we ben
not vndir the litil maistir.
26 Forsoth
alle &yogh;e ben the sones of God by feith in
`Crist Jhesu.
27 Forsothe who euere &yogh;e ben
baptysid in Crist, &yogh;e han clothid Crist.
28 Ther is not Jew, neither Greek; ther is
not seruaunt, nethir fre man; ther is
not male, nether female; sotheli `alle
&yogh;e ben oon in Crist Jhesu.
29 Forsoth if &yogh;e
ben of Crist, therfore &yogh;e ben seed of Abraham,
vp biheeste eyris.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
