Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XI.
1 I wolde `&yogh;e schulden susteyne a litil
thing of myn vnwysdom, but and supporte
me, `or bere vp me.
2 Sothly I
loue &yogh;ou by the loue of God; sothli I
haue bihi&yogh;t, `or bicome borwe, for to
&yogh;yue &yogh;ou a chast virgyne to a man,
Crist.
3 Forsoth I drede, lest as the serpent
disceyuede Eue with his sutil wordis,
so &yogh;oure wittis ben corupt, and falle doun
fro the symplenesse that is in Crist.
4 Forwhi
if he that cometh, prechith anothir
Crist, whom we prechen not, or if &yogh;e
taken anothir spirit, whom &yogh;e resseyueden
not, or anothir gospel, the which &yogh;e resceyueden
not, ri&yogh;tly &yogh;e schulden suffre.
5 Sothli I wene `for to haue don no thing
lasse fro the greete apostlis.
6 Forwhi thou&yogh;
I be vnlerned in sermoun, `or word, but
not in science, `or kunnyng. Forsoth
in alle thingis I am schewid, `or maad
knowe, to &yogh;ou.
7 Or whethir I haue do
synne, mekynge, `or makinge low&yogh;, my
silf, that &yogh;e ben enhaunsid, for freely
I euangeliside to &yogh;ou the euangelie of
God?
8 I spoilide, `or made nakide, or took
&yogh;iftis, of othir chirchis, takynge soude
to &yogh;oure seruyse.
9 And whenne I was
anentis &yogh;ou, and nedide, I was chargeous
to no man; forwhi britheren that camen
fro Macedonye, `supplieden, or fulfilden,
that that failide to me. And in alle thingis
I haue kept, and schal kepe me withoute
charge to &yogh;ou.
10 The treuthe of Crist is
in me; for this glorie schal not be brokun
in me, in the `regiouns, or kuntrees, of
-- --
Achaye.
11 Whi? for I loue not &yogh;ou?
12 God woot. `For that that I do, and I
schal do, that I kitte awey `the occasioun
of hem, that wolen occasioun, `or
plente, or power, that in the thing, in
which thei glorien, thei be founde suche
as and we.
13 Forwhi suche false apostlis
ben trecherous, `or gylous, work men,
transfiguringe hem into apostlis.
14 And not
wondir; sothli he Sathanas transfygurith
him into an aungel of ly&yogh;t.
15 Therfor
it is not greet, if his mynistris ben transfigurid
as the mynistris of ri&yogh;twysnesse,
whos ende schal be aftir hir workis.
16 Eft
I seye, lest ony man deme me vnwyse;
ellis take &yogh;e me vnwyse, that and I haue
glorie a litil what.
17 `That that I speke, I
speke not vp God, but as into vnwysdom,
in this substaunce of glorie.
18 Forwhi
many men glorien vp the fleisch, and
I schal glorie.
19 Forsoth &yogh;e suffren gladly
vnwyse men, whanne &yogh;e silf ben wyse.
20 Sothli &yogh;e susteynen, if ony man dryue
&yogh;ou into seruage, if ony man deuourith, if
ony man takith, if ony man is enhaunsid
`bi pride, if ony man smytith &yogh;ou `into
face.
21 Vp vnnobley, I seye, as we weren
syke in this partye. In what thing ony
man dar, in vnwysdom I seie, and I dar.
22 Thei ben Ebrewis, and I; thei ben Ysraelitis,
and I; thei ben the seed of Abraham,
and I;
23 thei ben the mynistris of
Crist, and I. As lasse wys I seye, `I more;
in ful manye trauels, in prisouns more
plenteuously, in woundis aboue `manere,
or ouer mesure, in deethis ofte tymes.
24 I
resceyuede of the Jewis fyue sythis fourty
strokis oon lesse;
25 thries I was betun with
&yogh;erdis, onys I was stoonyd, thryes Y maad
-- --
perisching in schip, ny&yogh;t and day I was
in depnesse of the see;
26 in weies ofte, in
perelis of flodis, in perels of theues, in
perelis of kyn, in perels of hethen men,
`in perels in cite, in perels in desert, in
perels in see, in perels in false britheren,
in traueil and myseste,
27 in many wakyngis,
in hungir and thirst, in many fastingis,
in cold and in nakidnesse.
28 Withoute
tho thingis that ben withouteforth;
myn eche dayes wakynge, `or studyinge,
the bisynesse of alle chirchis.
29 Who is
syk, and I am not syk? who is sclaundrid,
and I am not brend?
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
