1   Forsothe the haliday of therf looues, which is seid paske, nei&yogh;ede. 2   And the princes of prestis and the scribis sou&yogh;ten, hou thei schulden slee Jhesu, but thei dredden the peple. 3   Sothli Sathanas entride in to Judas, that was clepid Scarioth, oon of the twelue. 4   And he wente,

and spak with the princes of prestis, and `with the magestratis, how he schulde bitraye him to hem. 5   And thei ioyeden, and maden couenaunt to &yogh;yue `money to him. 6   And he bihi&yogh;te, and he sou&yogh;te couenablete, that he schulde bitraye him, with oute the cumpanyes. 7   Sothly the day of therf looues cam, in which it was nede, that pask, `that is, sacrifice of pask, be slayn. 8   And he sente Petre and John, seyinge, &YOGH;e goynge make redy `pask to vs, that we ete. 9   And thei seiden, Where wolt thou, that we make redy? 10   And he seide to hem, Lo! &yogh;ou entringe in to the citee, sum man beringe a vessel with watir schal come a&yogh;ens &yogh;ou; sue &yogh;e him in to the hous, `in to which he entrith. 11   And &yogh;e schulen seye to the hosebonde man of the hous, The maistir seith to thee, Where is the herborgerie, where I schal ete pask with my disciplis? 12   And he schal schewe to &yogh;ou a greet souping place strewid, and there `make &yogh;e redy. 13   Sothli thei goynge founden as he seide to hem, and there thei maden redy the paske. 14   And whanne the our was maad, he sat to the mete, and twelue apostlis with him. 15   And he seide to hem, With desyr I haue desyrid to ete with &yogh;ou this pask, bifore that I suffre; 16   forsothe I seie to &yogh;ou, for fro this tyme I shal not ete it, til it be fillid in the rewme of God. 17   And the cuppe takun, he dide thankingis, and seide, `Take &yogh;e, and `departe &yogh;e among &yogh;ou; 18   forsothe I seie to &yogh;ou, I schal not drynke of the generacioun of this vyne, til the rewme of God come. 19   And the breed takun, he dide thankingis, and brak, and &yogh;af to hem, seyinge, This is my body, which schal be &yogh;ouun `for &yogh;ou; do &yogh;e this thing in to my

commemoracioun. 20   Also and the chalys, aftir that he hadde soupid, seyinge, This cuppe is the newe testament in my blood, which schal be sched for &yogh;ou. 21   Netheles lo! the hond of a man bitrayinge me is with me in the bord. 22   And sothli mannis sone goth, vp that it is determynd; netheles wo to that man, bi whom he schal be bitrayed. 23   And thei bigynnen to seche among hem silf, who it was of hem, that was to doynge this thing. 24   And stryf was maad among hem, which of hem schulde be `seyn to be more. 25   Forsoth he seide to hem, `Kyngis of `hethen men `ben lordis, `or lordschipen, `of hem, and thei that han power on hem ben clepid goode &yogh;yueris, but &yogh;e not so; 26   but he that is the more in &yogh;ou, be maad as the &yogh;ongere, and he that is bifore goer, as a seruaunt. 27   Forwhi who is the more, he that restith, other he that mynistrith? wher not he that restith? Forsoth I am in the myddis of &yogh;ou, as he that mynistrith. 28   Sothli &yogh;e it ben, that han dwelt with me in my temptaciouns; 29   and I dispose to &yogh;ou, as my fadir hath disposed to me, a rewme, 30   that &yogh;e ete and drynke on my bord in my rewme, and sitte on trones, demynge twelue kynredis of Israel. 31   Forsothe the Lord seide to Symount, Symount, lo! Sathanas hath axid &yogh;ou, that he schulde ridele as whete; 32   but I haue preied for thee, that thi feith fayle not; and thou conuertid sum tyme, conferme thi britheren. 33   Which seide to him, Lord, I am redi to go with thee, and in to prisoun and in to deeth. 34   And he seide, I seie to thee, Peter, the koc schal not crowe to day, til thou `thries forsake `to knowe me.

35   And he seide to hem, Whanne I sente &yogh;ou with oute sachel, and scrip, and schoon, wher ony thing failide to &yogh;ou? 36   And thei seiden, No thing. Therfore he seide to hem, But now he that hath a sachel, take also and a scrippe; and he that hath not, selle his coote, and bye a swerd. 37   Sothli I seie to &yogh;ou, for &yogh;it it bihoueth this thing that is writun to be fulfillid in me, And he is demyd with wickide men; forsothe tho thingis that ben of me han an ende. 38   And thei seiden, Lord, lo! tweye swerdis here. And he seyde to hem, It is ynow&yogh;. 39   And he gon out, wente bi custom in to the hil of Olyues; sothli and the disciplis sueden him. 40   And whanne he cam to the place, he seyde to hem, Preie &yogh;e, lest &yogh;e entre in to temptacioun. 41   And he was takun awey fro hem, `as myche as is a stoones cast; and the knees put, 42   he preide, seyinge, Fadir, if thou wolt, turn ouer this cuppe fro me; netheles not my wille `be don, but thin. 43   Forsoth an aungel apperide to him fro heuene, cumfortinge him. And he maad in agonye, `ether angwische, preiede lengere; 44   and his swoot was maad as dropis of blood rennynge doun in to the erthe. 45   And whanne he hadde rise fro preier, and hadde come to his disciplis, he fond hem slepinge for heuynesse. 46   And he seide to hem, What slepen &yogh;e? `Ryse &yogh;e, and preie &yogh;e, that &yogh;e entre not in to temptacioun. 47   &YOGH;it him spekinge, lo! a cumpany, and he that was clepid Judas, oon of the twelue, wente bifore hem; and he nei&yogh;ede to Jhesu, that he schulde kisse him. 48   Sothli Jhesu seide to him, Judas, `bitrayest thou mannis sone `with a coss? 49   Forsoth thei

that weren aboute hym, seynge `the thing that was to comynge, seiden to him, Lord, wher we smyten by swerd? 50   And oon of hem smoot the seruaunt of the prince of the prestis, and kittide of his litel ri&yogh;t eere. 51   Forsothe Jhesu answeringe seyde, Suffre &yogh;e til hidur. And whanne he hadde touchid his litil eere, he heelide him. 52   Forsothe Jhesu seide to hem, that camen to him, the princes of prestis, and magestratis, and eldere men, As to a theef &yogh;e han gon out with swerdis and staues? 53   Whanne I was eche day `with &yogh;ou in the temple, &yogh;e strei&yogh;ten not out the hondis into me; but this is &yogh;oure our, and the power of derknessis. 54   Sothli thei takinge him, ledden to the hous of `the prince of prestis; Petre forsothe suede him a fer. 55   Sothli a fyer kyndlid in the myddel `greet hous, and hem sittinge aboute, Petre was in the myddel of hem. 56   Whom whanne sum handmayde hadde seyn sittinge at the li&yogh;t, and hadde biholde him, she seide, And this was with him. 57   And he denyede him, seiynge, Womman, I knowe him not. 58   And aftir a litil a nothir man seynge him, seide, And thou ert of hem. Petre forsothe seide, A! man, I am not. 59   And a space maad as of oon our, sothli anothir affermyde, seyinge, Treuli and this was with him; forwhi and `he is of Galilee. 60   And Petre seide, Man, I `wot not what thou seist. And a non &yogh;it him spekinge, a cok crew. 61   And the Lord turned a&yogh;en, biheeld Petre; and Petre hadde mynde of the word of Jhesu, as he hadde seid, For bifore that the koc crew, thries thou schalt denye me. 62    63   And Petre gon forth, wepte bitturly. And the men that heelden him, scornyden him

betinge. 64   And thei veyliden him, `or hidden, and smyten his face, and axiden him, seyinge, Prophesie thou, who `is he that smoot thee. 65   Also thei blasphemynge seiden manye othere thingis a&yogh;ens him. 66   And as the day was maad, the eldere men of the peple, and the princes of prestis, and the scribis camen to gidere, and ledden him in to her counceil, seyinge, 67   If thou art Crist, seie to vs. 68   And he seide to hem, If I schal seye to &yogh;ou, &yogh;e schulen not bileue to me; sothli and if I shal axe, &yogh;e schulen not answere to me, nether &yogh;e schulen leue. 69   Forsoth aftir this tyme mannis sone schal be sittinge on the ri&yogh;thalf of the vertu of God. 70   Therfore alle seiden, Therfore ert thou the sone of God? Which seide, &YOGH;e seyn for I am. 71   And thei seiden, What &yogh;it desyren we witnessing? forsoth we vs selue han herd of his mouth.

Previous section

Next section