Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXI.
1 Forsothe he biholdinge sy&yogh; `tho riche
men, whiche senten her &yogh;iftis in to the
-- --
tresorie;
2 forsothe he sy&yogh; also sum litel
pore widowe sendynge tweie litle moneys,
ethir `a ferthing.
3 And he seyde,
Treuli I seye to &yogh;ou, for this pore widowe
sente more than alle men.
4 Forwhi alle
thes senten in to &yogh;iftis of God, `of the
thing plentenously02Q0013 to hem; forsothe this
widowe of this thing that fayleth to hir,
sente al hir lyfloode, that she hadde.
5 And
sum men seyinge of the temple, that it
was ourned with goode stoones and &yogh;yftis,
he seyde,
6 Thes thingis that &yogh;e seen, dayes
schulen come, in which a stoon schal not
be left on a stoon, which schal not be
distroyed.
7 Sothli thei axiden him, seyinge,
Comaundour, whanne schulen thes
thingis be? and what tokene, whanne thei
schulen bigynne to be don?
8 Which
seide, Se &yogh;e, that &yogh;e be not disceyued;
forsothe manye schulen come in my name,
seyinge, For I am, and the tyme schal
nei&yogh;e; therfore nyle &yogh;e go aftir hem.
9 But
whanne &yogh;e schulen heere batels and dissenciouns
`with ynne, nyle &yogh;e be aferd;
it bihoueth first thes thingis to be don,
but not &yogh;it a noon the ende.
10 Thanne he
seide to hem, Folk schal ryse a&yogh;ens folk,
and rewme a&yogh;ens rewme;
11 and grete
mouyngis of erthe schulen be by places,
and pestilensis, and hungris, and dredis
fro heuene, and grete tokenes schulen be.
12 But bifore alle thes thingis thei schulen
sette hir hondis on &yogh;ou, and schulen
pursuwe, bitakinge in to synagogis and
kepingis, `ether prisouns, drawynge to
kingis and iustisis, for my name;
13 forsothe
it schal bifalle to &yogh;ou in to witnessing.
14 Therfore putte &yogh;e in &yogh;oure hertis,
not to thenke bifore, how &yogh;e schulen answere;
-- --
15 for I schal &yogh;yue to &yogh;ou mouth and
wysdom, to whiche alle &yogh;oure aduersaries
schulen not mowe a&yogh;enstonde, and a&yogh;enseye.
16 Sothli &yogh;e schulen be bytrayed of
fadir, and modir, and britheren, and cosyns,
and frendis, and by deeth thei schulen turmente
summe of &yogh;ou;
17 and &yogh;e schulen
be hatid of alle men for my name.
18 And
an heer of &yogh;oure heed schal not perische;
19 in &yogh;oure pacience &yogh;e schulen welde &yogh;oure
soulis.
20 Forsoth whanne &yogh;e schulen se Jerusalem
enuyrowned of an oost of batel,
thanne wite &yogh;e, that the desolacioun
therof schal nei&yogh;e.
21 Thanne thei that ben
in Judee, flee `in to hillis; and thei that
ben in the myddel of it, go awey; and
thei that ben in the cuntreis, entre not
in to it.
22 For thes ben the dayes of veniaunce,
that alle thingis that ben writun,
be fillid.
23 Forsothe wo to hem, `that
ben with childe, and norischen in tho
dayes; for a greet tribulacioun schal be
on erthe, and wraththe to this peple.
24 And thei schulen falle in the mouth of
swerd, and thei schulen be ledd caytif in
to alle folkis; and Jerusalem schal be defoulid
of hethen men, til the tymes of
naciouns be fillid.
25 And tokenes schulen
be in the sunne, and moone, and sterris;
and in the erthe `schal be ouerleying of
folkis, for confusioun of sown of the see
and wawis;
26 men waxinge drye for drede
and abidinge that schulen come on al the
world; forwhi vertues of heuene schulen
be mouyd.
27 And thanne thei schulen se
mannis sone comynge in a cloude, with
greet power and maieste.
28 Sothli thes
thingis bigynnynge to be don, biholde
-- --
&yogh;e, and reyse &yogh;e &yogh;oure heedis, for &yogh;oure
`a&yogh;en bying nei&yogh;ith.
29 And he seide to hem
a licnesse, Se &yogh;e the fige tree, and alle
trees,
30 whanne thei `bringen forth `of hem
fruyt now, &yogh;e witen for somer is ni&yogh;;
31 so
also, whanne &yogh;e schulen se thes thingis
to be don, wite &yogh;e, for the kyngdom of
God is ny&yogh;.
32 Treuli I seie to &yogh;ou, for this
generacioun schal not passe, til alle thingis
be don.
33 Heuene and erthe schulen passe,
but my wordis schulen not passe.
34 Forsothe
`take &yogh;e heede to &yogh;ou silf, lest per
auenture &yogh;oure hertis be greuyd with glotenye,
and drunkenesse, and bisynessis of
this lyf, and thilke day come sudeyn on
&yogh;ou;
35 for as a snare it schal come `on alle
men, that sitten on the face of al erthe.
36 And so wake &yogh;e, preiynge in ech tyme,
that &yogh;e be worthi to fle alle thes thingis
that schulen come, and to stonde bifore
mannis sone.
37 Forsoth in dayes he was
techinge in the temple, but he goynge
out dwellide `in ny&yogh;tis in the hil, which
is clepid of Olyuete.
38 And al the peple
`roos erly, to come to him in the temple,
for to heere him.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
