Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VII.
1 And it is maad in the fourthe &yogh;eere of
Darius, kyng, the word of the Lord is
maad to Zacharie, in the fourthe day of
the nynthe monethe, that is Casleu.
2 And
Sarasar, and Rogumelech, and men that
weren with hem, senten to the hous of
the Lord, for to preye the face of the
Lord;
3 that thei shulden saye to prestis of
the hous of the Lord of oostis, and to
prophetis, spekynge, Wher it is to wepe
to me in the fifthe moneth, or Y shal
halewe me, as Y dide now manye &yogh;eeris?
4 And the word of the Lord of oostis is
maad to me,
5 sayinge, Speke thou to al
the peple of the lond, and to prestis, sayinge,
Whenne &yogh;e fastiden, and weiliden
in the fifthe and seuenthe monethe, by
seuenty &yogh;eeris, wher &yogh;e fastiden a fast `to
me?
6 And when &yogh;e eeten, and drunken,
wher &yogh;ee eeten not `to &yogh;ou, and drunken
to &yogh;our self?
7 Wher wordis of prophetis
-- --
ben not, whiche the Lord spak in the
hond of former prophetis, when &yogh;it Jerusalem
was enhabited, and was ful of
ritchessis, and it, and the citees therof in
cumpas therof, and at the south and in
feeldi place was enhabited?
8 And the
word of the Lord is maad to Zacharie,
sayinge, These thingis saith the Lord of
oostis,
9 sayinge, Deme &yogh;e trewe dome, and
mercy, and doyngus of mercy do &yogh;e, eche
man to his brother.
10 And nyl &yogh;e falsly
chalenge the wydue, and fadirlesse, or
moderlesse, and the cumlyng, and pore
man; and a man thenke not in his herte
yuel to his brother.
11 And thei wolden
not take heed, and thei turneden awey
the shuldre goynge awey, and aggregiden,
or maden heuy, her eeris, lest
thei herden.
12 And thei puttiden her herte
as an adamaunt, lest thei herden the law,
and wordis whiche the Lord of oostus
sente in his holy Spirit, by hond of
former prophetis; and grete indignacioun
is maad of the Lord of oostis.
13 And it is don, as he spak; and as thei
herden not, thei shuln crye, and Y shal
not heere hem, saith the Lord of oostis.
14 And Y scatride hem by alle rewmys,
whiche thei knewen not, and the lond is
desolate fro hem, for that there was not
a man goynge and turnynge a&yogh;ein; and
thei han putt the desirable lond in to
desert.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
