Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VIII.
1 And the word of the Lord of oostis is
maad to me,
2 sayinge, These thingis saith
the Lord of oostis, Y hatide Syon with
grete feruour, and with grete indignacioun
Y hatid it.
3 These thingus saith
the Lord of oostis, Y am turned a&yogh;ein to
Syon, and Y shal dwelle in the mydil of
Jerusalem; and Jerusalem shal be clepid
a cytee of trewthe, and the hill of the
Lord, and hill halewid.
4 These thingus
-- --
saith the Lord of oostis, &YOGH;it olde men
and olde wymmen shuln dwelle in streetis
of Jerusalem, and the staff of a man in
his hond, for multitude of &yogh;eeris.
5 And
streetis of the citee shuln be fulfillid with
infauntis and maydens, pleyinge in the
streetis of it.
6 These thingus saith the
Lord of oostis, &YOGH;if it shal be seen hard
in ee&yogh;en of the relikis of this peple in tho
dayes, wher in myn ee&yogh;en it shal be
hard, saith the Lord of oostis?
7 These
thingus saith the Lord of oostis, Loo!
Y shal saue my peple of lond of the
eest, and of the lond of goynge doun of
the sunne;
8 and Y shal leede hem to, and
thei shuln dwelle in mydil of Jerusalem;
and thei shuln be to me in to peple, and Y
shal be to hem in to God, and in trewthe,
and in ri&yogh;twisnesse.
9 These thingis saith
the Lord of oostis, Be &yogh;oure hondis counfortid,
whiche heeren in these days these
wordis by the mouth of prophetis, in the
day in whiche the hous of the Lord of
oostis is foundid, that the temple shulde
be beeldid.
10 Sothely bifore tho days hijre
of men was not, nether hijre of werk
beestis was, nether to man entringe and
goynge out was pees for tribulacioun;
and Y departide alle men, eche a&yogh;einus
his nei&yogh;bore.
11 Now forsothe not after
the former days Y shal do to the relikis
of this peple, saith the Lord of oostus,
but seed of pees shal be;
12 the vyne &yogh;erd
shal &yogh;eue his fruyt, and the erthe shal
&yogh;eue his buriownyng, and heuens shuln
&yogh;eue her dewe; and Y shal make the
relikis of this peple for to welde alle
these thingus.
13 And it shal be, as &yogh;e,
hous of Juda, and the hous of Yrael,
weren cursynge in heithen men, Y shal
saaue &yogh;ou, and &yogh;e shuln be blessyng. Nyl
&yogh;e dreede, be &yogh;our hondis coumfortid;
14 for these thingus saith the Lord of
oostis, As Y thou&yogh;te for to tourmente
-- --
&yogh;ou, whanne &yogh;oure fadris hadden terrid
me to wrath,
15 saith the Lord, and Y
hadde not mercy, so Y conuertid thou&yogh;te
in these days for to do wele to the hous
of Juda and Jerusalem; nyl &yogh;e dreede.
16 Forsothe these ben the wordis whiche &yogh;e
shuln do; speke &yogh;e trewthe, eche man
with his nei&yogh;bore; deme &yogh;e treuthe and
dom of pees in &yogh;our &yogh;atis;
17 and thinke
&yogh;e not in &yogh;oure hertis, eche man yuel
a&yogh;einys his freend, and loue &yogh;e not a
fals oth; forsothe alle these thingus ben,
whiche Y hate, saith the Lord.
18 And
the word of the Lord of hoostis is maad
to me,
19 sayinge, These thingus saith the
Lord of oostis, Fastyng of the fourthe
monethe, and fastynge of the fifthe, and
fastyng of the seuenthe, and fastyng of
the tenthe, shal be to the hous of Juda
in to ioye and gladnesse, and in to ful
cleere solempnytees; loue &yogh;e oonly treuthe
and pees.
20 These thingis saith the Lord
of oostis, On eche syde peplis shuln cume,
and dwelle in many citees;
21 and the
dwellers shuln go, oon to an other, saiynge,
Go we, and biseche the face of the
Lord, and seeke we the Lord of oostus;
also Y shal go.
22 And many peplis shuln
cumme, and stronge folkis, for to seeke
the Lord of oostus in Jerusalem, for to
biseche the face of the Lord.
23 These
thingus saith the Lord of oostis, In tho
days, in whiche ten men of alle tungis,
or langagis, of heithen men shuln cacche,
and thei shuln catche the hem of a man
Jew, sayinge, We shuln go with &yogh;ou;
forsothe we han herd, for God is with
&yogh;ou.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
