Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VI.
1 And Y was conuertid, and Y reyside
myne e&yogh;en, and saw&yogh;, and loo! foure fourhorsid
cartis goynge out of the mydil of
two hillis, and the hillis hillis of brass.
2 In the first foure horsid carte rede horsis,
and in the secound foure horsid cart
blake horsis;
3 and in the thrid foure
horsid cart white horsis, and in the
fourth foure horsid carte dyuerse horsis
stronge.
4 And Y answerde, and saide to
the aungel that spac in me, What ben
these thingus, my lord?
5 And the aungel
answerde, and saith to me, These ben
foure wyndis of heuen, whiche gon out,
that thei stonde byfore the lordshipere of
al erthe.
6 In whiche weren blake horsis,
wente out in to the lond of the north;
and the white wenten out after hem; and
the dyuers wenten out to the lond of the
south.
7 Forsothe thei that weren strengest
wenten out, and sou&yogh;ten for to go,
and renne aboute bi al erthe. And he
saide, Go &yogh;e, walke &yogh;e thoru the erthe.
8 And thei walkiden thoru erthe. And
he clepide me, and spac to me, saiynge,
Loo! thei that gon out in to lond of the
north, maden my spirit for to reste in
lond of the north.
9 And the word of the
Lord is maad to me,
10 sayinge, Take thou
of the transmygracioun, or caitiftee, of
Olday, and of Toby, and of Byday; and
thou shalt cum in that day, and thou
shalt entre in to the hous of Josye, sone
of Sophonye, that camen fro Babyloyne.
11 And thou shalt take gold and syluer, and
-- --
thou shalt make crownes, and putte in
the hed of Jhesu, sone of Josedech, the
grete preste;
12 and thou shalt speke to
hym, sayinge, These thingus saith the
Lord of oostus, sayinge, Loo! a man,
Eest, or Springynge, his name, and vndir
hym shal springe; and he shal beelde a
temple to the Lord.
13 And he shal ful make
the temple to the Lord, and he shal bere
glorie, and shal sitte, and shal be lord
vpon his seete; and counseile of pees shal
be bitwixe hem two.
14 And crownys shuln
be to Helem, and Toby, and Ydaie, and
Hen, the sone of Sophonye, a memorial
in temple of the Lord.
15 And thei that
ben fer, shuln cumme, and bylde in the
temple of the Lord; and &yogh;e shuln witen,
for the Lord of oostis sente me to &yogh;ou.
Sothely this thing shal be, &yogh;if bi heeryng
&yogh;e shuln heere the voyce of the Lord
&yogh;our God.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
