Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. II.
1 And Y reyside myn ee&yogh;en, and saw&yogh;,
and loo! a man, and loo! in his hond a
litil coorde of meters.
2 And Y saide,
Whider gost thou? And he saide to
me, That Y mete Jerusalem, and Judee;
hou myche is the breede therof, and hou
myche the lengthe therof.
3 And loo! the
angel that spac in me, wente out, and an
other angel wente out into meetynge of
hym,
4 and saide to hym, Renne thou,
spek to this chijld, saiynge, With outen
wall Jerusalem shal be enabitid, for multitude
of men and beestis in the mydil
therof.
5 And Y shal be to it, saith the
Lord, a wall of fijr in cumpas; and Y
shal be in glorye in the mydil therof.
6 O! O! O! flee &yogh;e of the lond of the north,
saith the Lord, for in foure wyndis of
heuen Y scatride &yogh;ou, saith the Lord.
7 Thou Syon, flee, that dwellist anentus
the dou&yogh;ter of Babyloyne.
8 For these
thingus saith the Lord of oostis, After
glorie he sente me to heithen men, whiche
robbiden &yogh;ou; forsothe he that shal touche
&yogh;ou, shal touche the appil of myn ee&yogh;e.
9 For lo! Y reyse my hond vpon hem, and
thei shuln be pray to these that seruyden
to hem; and &yogh;e shuln knowe, for the
Lord of oostis sente me.
10 Dou&yogh;ter of
Syon, herye thou, and glade; for loo! Y
come, and shal dwelle in the mydil of
thee, saith the Lord.
11 And manye folkis
shuln be applied to the Lord in that day,
and thei shuln be to me in to a peple,
and Y shal dwelle in the mydil of thee;
and thou shalt wite, for the Lord of
oostis sente me to thee.
12 And the Lord
-- --
shal welde Juda in to his part, in the
lond halewid, and shal chese &yogh;it Jerusalem.
13 Be eche flesh stille fro the face of
the Lord, for he roose of his holy dwellynge
place.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
