Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. III.
1 And the Lord shewide to me the grete
prest Jhesu, stondynge byfore the aungel
of the Lord; and Sathan stode on his
ri&yogh;t half, that he were aduersarie to hym.
2 And the Lord saide to Sathan, The Lord
blame in thee, Sathan, and the Lord
blame in thee, that ches Jerusalem. Wher
this is not a dead brond rauyshid of the
fijr?
3 And Jhesus was clothid with
filthi clothis, and stode byfore the face
of the aungel.
4 Whiche answerde, and
saith to hym that stode bifore hym, sayinge,
Do &yogh;e awey filthi clothis fro hym.
And he saide to hym, Loo! Y haue
don awey fro thee thi wickidnesse, and
Y haue clothid thee with chaungynge
clothis.
5 And he saide, Putte &yogh;e a cleene
cappe, or mytre, vpon his heued. And
thei puttiden a cleene cappe, or mytre,
vpon his heed, and clothiden hym with
clothis. And the aungel of the Lord
stode,
6 and the aungel of the Lord witnesside
Jhesu,
7 sayinge, These thingis
saith the Lord of oostis, &YOGH;if thou shalt
go in my wayes, and shalt keepe my
keepyng, and thou shalt deme my hous,
and shalt keepe my porchis; and Y shal
&yogh;eue to thee men walkynge, of these
that now stonden here ni&yogh;.
8 Heere thou,
Jhesu, grete prest, thou and thi freendis
that dwellen byfore thee, for thei ben
men signyfyinge thing to cummynge.
Loo! sothely Y shal bringe my seruaunt
spryngynge vp.
9 For loo! the stoon
whom Y &yogh;af byfore Jhesu, vpon oo
stoon ben seuen ee&yogh;en; and loo! Y shal
graue the grauynge therof, saith the
Lord of oostis, and Y shal do awey the
-- --
wickidnesse of that lond in oo day.
10 In
that day, saith the Lord of oostus, a man
shal clepe his frend vndir his vyne &yogh;erd,
and vndir his fijge tree.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
