Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 In the ei&yogh;te moneth, in the secounde
&yogh;eer of Darius, the word of the Lord is
maad to Zacharie, sone of Barachie, sone
of Addo,
2 prophete, seyinge, The Lord is
wroth vpon &yogh;our fadris with wrathe.
3 And thou shalt saye to hem, These
thingis saith the Lord of oostis. Be &yogh;e
conuertid to me, saith the Lord of oostis,
and Y shal be conuertid to &yogh;ou, saith
the Lord of oostis.
4 Be &yogh;e not as &yogh;our
fadris, to whom former prophetis crieden,
sayinge, These thingus saith the Lord of
oostis, Be &yogh;e conuertid of &yogh;our yuel
wayes, and &yogh;oure warst thou&yogh;tes; and
thei herden not, nether token entente
to me, saith the Lord of oostis.
5 Wher
ben &yogh;our faders and prophetis? wher
thei shuln lyue into with outen eende?
6 Nethelese my wordis and my lawful
thingis, whiche Y comaundide to my seruauntis
prophetis, wher thei tau&yogh;ten not
&yogh;oure fadris? And thei weren to gydre
turned, and saiden, As the Lord of oostis
thou&yogh;te for to do to vs vp oure wayes,
and vp oure fyndyngis he dide to vs.
7 In the foure and twentithe day of the
elleuenthe moneth Sabath, in the secounde
&yogh;eer of Darius, the word of the
Lord is maad to Sacharie, sone of Barachie,
sone of Addo, prophete, sayinge,
Y saw&yogh; bi ni&yogh;t, and loo!
8 a man styinge
-- --
vp a rede hors; and he stode bitwixe
the places where myrtis wexen, that
weren in the deepe, and after hym horsis
dyuerse, rede, and white.
9 And Y saide,
My lord, what ben these? And an angel
of the Lord saide to me, that spac in
me, Y shal shewe to thee what these ben.
10 And the man that stode bitwixe places
wher myrtis wexen, answerde, and saide,
These ben, whom the Lord sente, that
thei walke thorow erthe.
11 And thei answerden
to the aungel of the Lord, that
stode bitwixe places wher myrtis wexen,
and saiden, We han walkid thorou erthe,
and loo! al erthe is enhabitid, and restith.
12 And the aungel of the Lord answerde,
and saide, Lord of oostis, hou
longe shalt thou not haue mercy of Jerusalem,
and of the citees of Juda, to
whiche thou art wroth? This is now
the seuentithe &yogh;eer.
13 And the Lord answerde
to the aungel, that spac in me,
good wordis, coumfortynge.
14 And the
aungel that spac in me, saide to me, Crie
thou, sayinge, These thingus saith the
Lord of oostis, Y louede Jerusalem and
Syon in grete feruour;
15 and in grete
wroth Y shal be wroth vpon riche folkis;
for Y was wrothe a litil, forsothe thei
holpen in to yuel.
16 Therfore these thingis
saith the Lord, Y shal turne a&yogh;ein to
Jerusalem in mercyes. My hous shal be
byldid in it, saith the Lord of oostis; and
an hangynge lyne, or mesure, shal be
strei&yogh;t out vpon Jerusalem.
17 &YOGH;it crie thou,
sayinge, These thingus saith the Lord of
oostis, &YOGH;it my cytees shuln flete with
goodis, and &yogh;it the Lord shal coumforte
Syon, and &yogh;it he shal chese Jerusalem.
18 And Y reyside myn ee&yogh;en, and saw&yogh;, and
loo! foure horns.
19 And Y saide to the
aungel that spak in me, What ben these?
And he saide to me, These ben hornes,
that wyndewiden Juda, and Israel, and
Jerusalem.
20 And the Lord shewide to
me foure smythis.
21 And Y saide, What
-- --
cummen these for to do? Whiche saith,
sayinge, These ben the hornes, that wyndewiden
Juda by alle men, and no man
of hem reiside his hed; and these camen
for to fere hem, that thei caste doun
hornes of heithen men, whiche reysiden
horn vpon the lond of Juda, for to scatere
it.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
