CAP. XXXV.
1 Therfore alle the cumpanye of alle the
sones of Yrael gedered, he seid to hem,
Thes ben that the Lord hath comaundide
to be doon.
2 Six daies &yogh;e shulen doo werk,
the seuenthe day shal be to &yogh;ow holy, an
holi day and the reste of the Lord; who
-- --
so doth werk in it he shal be slayn.
3 &YOGH;e
shulen not tiende fier in al &yogh;oure dwellyng
place bi the holi day.
4 And Moyses
seith to alle the companyes of the sones
of Yrael, This is the word that the Lord
comaundide,
5 seiynge, Seuer &yogh;e anentis
&yogh;ow the chefe fruytis to the Lord; eche
wilful and of redi inwit offer hem to the
Lord,
6 gold, and siluer, and brasse, iacynct,
and purpur, and cocto twies died, and
bijs,
7 heeris of goote, and the skynnes of
wethers maad reed, and iacynctyne, the
trees of Sichym,
8 and oyle to the li&yogh;tes
`to be maad, and that there be maad an
oynement, and the moost swete ensence,
onychyn stonus and gemmes,
9 to the
anowrnnyng of the coope, and of the
breest broche.
10 Who so euere of &yogh;ow is
wijs, come he, and mak that the Lord
hath comaundide,
11 that is, the tabernacle,
and the roof of it, and the coueryng;
rynges, and the `tablid sides, with the
berynge staues, litil stakes, and feet;
12 the
arke, and the berynge staues; the propicyatorie,
and the veyle, that before it is
sprad abrood;
13 the meetbord with berynge
staues, and the vessels, and the looues of
proposicioun;
14 the candelstik to susteyne
the li&yogh;tes, the vessels of it, and lanternes,
and oyle to the norishyng of fyres;
15 the
auter of the maad ensence, and the beryng
staues; oyle of anoynting, and the
maad ensence of the swete smellynge
spices; the tente at the dore of the tabernacle;
the autere of the al brent sacrifice,
16
and the brasun gredeyrne of it, with the
berynge staues, and his vessels; the lauatorie,
and the feet of it;
17 the cortynes of
the porche, with pilers, and feet; the tentis
in the &yogh;atis of the vestiarie;
18 the litil stakis
of the tabernacle, and of the porche, with
her cordes;
19 the clothes whose vse is in the
-- --
seruyce of the seyntuarye; the clothes of
Aaron the bishop, and of his sones, that
thei beren the office of preesthod to me.
20 And al the multitude of the sones of
Yrael goon out fro the si&yogh;t of Moyses,
21 offerde with moost redi mynde and deuoute
the chefe thinges to the Lord, to
make the werk of the tabernacle of testymonye,
what thing to the heriyng and to
the holy clothes was nessessarye.
22 Men
with wymmen &yogh;euen hongynge rynges,
and eer rynges, and hoond rynges, and
bee&yogh;is; al gilden vessel is seuerd into the
&yogh;iftis of the Lord.
23 Who so euer hadde
iacynct, and purpur, and cocco twies died,
bijs, and heeris of goote, wether skynnes
maad reed,
24 and blew, the metals of siluer,
and of brasse, thei offreden to the
Lord, and the trees of Sichym into dyuerse
vsis.
25 But and wymmen &yogh;yuen that
come thur&yogh; dower, iacynct, and purpur,
and reed silk,
26 and bijs, and the heeris
of goote, wilfully alle propre thingis
&yogh;euynge.
27 The princes forsothe offerden
onychyn stonus and gemmes, to the coope
and breest broche,
28 and swete smellynge
spices, and oyle to make the li&yogh;tes, and to
greithe the oynement, and to make the
encense of moost swete smel.
29 Alle men
and wymmen with a deuowt mynde offerden
&yogh;iftis, that the werkis `shulden be
maad, that the Lord comaundide bi the
hoond of Moyses; alle the sones of Yrael
halowiden wilful thinges to the Lord.
30 And Moyses seide to the sones of Israel,
Loo! the Lord hath clepid Beseleel bi
name, the sones of Hury, the sone of
Hur, of the lynage of Juda;
31 and he hath
fulfillede hym with the spiryt of God, of
wisdom, and vnderstondyng, and of kunnyng,
with al doctrine,
32 to cast and to
make the werk, in gold, and siluer, and
brasse,
33 and in stonus to ben graued, and
-- --
in carpentarye werk; what thing craftily
may be founde, he hath &yogh;ouun in his
herte; and Ooliab, the sone of Achymasech,
of the lynage of Dan; bothe he hath
tau&yogh;te with wisdom, that thei maken the
werkis of carpentarye, of browdrye, and
of werkyng with needlis, of iacynct, and
purpur, and cocto twies died, and of bijs,
and alle thinges weue thei, and alle newe
thingis fynde thei.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].