Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXIV.
1 And therafter, Cut, he seith, to thee
two stonun tables at the liknes of the
former, and Y shal write vpon hem the
wordes that hadden the tablis, that thow
brak.
2 Be redi eerli, that thow stie vp
anone into the hil of Synay; and thow
shalt stonde with me vpon the cop of the
hil;
3 no man stie vp with thee, ne be seen
eny man thur&yogh; out al the hil; oxen forsothe
-- --
and sheep, be thei not fedde there
a&yogh;ens.
4 Thanne he hewide out two stonun
tables, what manere thei weren before,
and fro ny&yogh;t arysynge he stiede vp into
the hil of Synay, as the Lord comaundide
to him, berynge with hym the tables.
5 And whanne the Lord had stiede vp bi
the clowde, Moyses stood with hym, inwardli
clepynge the name of the Lord,
whom passynge before hym,
6 seith, Lordshiper,
Lord God, mercyable, and goodliche,
and pacient, and of myche mercy,
and verrey,
7 that kepist couenaunt and
mercy into thowsandes, that dost awei
wickidnes, and hidows giltis, and synnes,
and no man anentis thee bi him silf is
innocent, that &yogh;eldist wickidnes of fadris
to sones and neces, into the thridde and
the ferthe progenye.
8 And Moyses hastynge
is bowid redi into the erthe, and
anowrynge,
9 seith, If Y haue founde grace
in thi si&yogh;t, Lord, I biseche that thow goo
with vs, forsothe the puple is of hard nol,
and that thow do awey oure wickidnes,
and synnes, and that thow welde vs.
10 The
Lord answerde, Y shal goo in couenaunt,
seynge alle men, I shal do signes, that
neuere weren seen vpon erthe, ne in eny
folkis of kynde, that this puple seen, in
whos myddil thow art, the feerful werk
of the Lord, that Y am to do.
11 Kep alle
thingis that to day I haue comaundide to
thee; Y my silf shal throwe out before
thi face Amorrey, Chananey, and Ethei,
Pheresei forsothe, and Euei, and Jebuzei.
12 Be war, lest eny tyme thow ioyne frendships
with the dwellers of that loond,
that ben to thee into fallyng.
13 But and
the auteers of hem destrye, brek togidere
the ymages, and the mawmete woodes
hew down;
14 wole thow not anowre an
alien God; the Lord gelows the name
-- --
of hym, God is a louer;
15 ne go thow not
into couenaunt with men of that regioun,
lest whanne thei han do fornycacioun with
her goddes, and anourden the mawmetis
of hem, eny man clepe thee, that thow
eete of the thingis that ben offerd.
16 Ne
wijf of the dow&yogh;tris of hem thow shalt
tak to thi sones, lest after that thei han
do fornycacioun, thei maken to do fornycaciouns
and thi sones into her goddis.
17 &YOGH;otun goddis thow shalt not make to
thee.
18 The solempnyte of therf looues
thow shalt kepe; seuen dayes thow shalt
eete therf looues, as I haue comaundide
to thee, in the tyme of the moneth of
new thinges; in the moneth forsothe of
veer tyme thow &yogh;edest out of Egipte.
19 Al
that openith the wombe of maal kynde
shal be myn, of alle hauynge lijf, as wel
of oxen, as of sheep, shal be myne.
20 The
first goten of an asse thow shalt bigge
with a sheep; ellis forsothe if thow &yogh;yuest
not for it the priys, it shal be slawn. The
first gotun of thi sones thow shalt `a&yogh;enbigge;
ne thow shalt not apere in my
si&yogh;t voide.
21 Six dayes thow shalt worche,
the seuenthe day thow shalt ceese to
eeren and to repen.
22 The solempnyte of
weekis thow shalt make to thee in the
first bigynnyng of fruytis of thi whete
heruest, and the solempnete whanne, the
tyme turnynge a&yogh;en of the &yogh;eer, alle
thinges ben putte vp.
23 Thre tymes of the
&yogh;eer shal apere eche maal child that is
thin in the si&yogh;t of the Almy&yogh;ti Lord, thi
God, Yrael.
24 Whanne forsothe Y shal take
the gentiles fro thi face, and I shal sprede
abrood thi teermes, no man shal putte
spies to thi loond, thee styinge vp and
apperynge in the si&yogh;t of the Lord thi God,
thries in the &yogh;eer.
25 Thou shalt not offre
vpon the sowr dow&yogh; the blood of my
sacrifice, nether shal not leeue vnto the
morwe tide of the sacrifice of the solempnyte
-- --
of pask.
26 The chefe of the
fruytes of thi loond thow shalt offre in
the hows of the Lord thi God. Thow
shalt not seethe a kidde in the mylk of
his moder.
27 And the Lord seide to Moyses,
Write to thee thes wordes, with whiche
Y haue couenauntide a boond of pees,
with thee and with Yrael.
28 Thanne Moyses
was there with the Lord fourti dayes
and fourti ny&yogh;tis, and eete no breed, ne
drank water; and he wroot in the tables
the ten wordes of the boond of pees.
29 And whanne Moyses descendide fro the
mownt of Synay, he held two tables of
testymonye, and he wiste not that his
face was horned of the cumpanye of the
word of God.
30 Aaron forsothe and the
sones of Yrael, seynge the face of Moyses
horned,
31 thei dredden to comen ny&yogh;, and
thei clepid of hym turneden a&yogh;en, as wel
Aaron as the princes of the synagoge;
and after that he had spokun,
32 comen to
hym also alle the sones of Yrael; to whom
he comaundide alle thinges that he hadde
herd of the Lord in the mownt of Synay.
33 And fulfillid the wordes, he putte a veyle
vpon his face;
34 the which, he goon yn to
the Lord, and spekynge with him, dide
awey, to the tyme that he shulde goo
out; and thanne he spak to the sones of
Yrael alle thinges, that to hym weren comaundid;
35 the whiche seen the face of
Moyses goynge out be horned, but eft he
couerde his face, if eny tyme he spak to
hem.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
