Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIX.
1 And thou, sone of man, take to thee
weilynge vpon the princis of Israel;
and thou shalt seie,
2 Whi thi modir, a
liounesse, laie amonge lyouns? In the
mydil of smale liouns she nurshide hir
whelpis,
3 and ledde out oon of her litil
liouns; he is maad a lioun, and lerned
for to take pray, and for to ete man.
4 And heithen men herden of hym, and
not with outen his woundis thei tokyn
hym; and ladden hym in cheynes in to
the loond of Egipt.
5 Which whanne she
see&yogh;, for she is maad sijk, and abidynge
of hym perishide, took oon of hir litil
-- --
lyouns, ordeynde hym a lyoun.
6 And he
lernede for to take pray, and for to deuoure
men.
7 He lernede for to make
wydewis, and for to brynge citees in to
deseert; and the loond is desolat and the
plente of it, of the vois of his rorynge.
8 And heithen men camen togidre a&yogh;ens
hym on eche syde fro prouyncis, and
stretchiden out her net vpon hym; in the
woundis of hem he is takyn.
9 And thei
senten hym in to a caue in cheynes, and
thei ledden hym forth to the kyng of
Babiloyne; and thei senten hym in to
prisoun, lest his vois were herd more
vpon the hillis of Israel.
10 Thi modir as
a vyn&yogh;erd in thi blood vpon water is
plauntid; the fruytis of it and bouwis of
it wexeden of many watris.
11 And sad
&yogh;eerdis ben maad to it in to septris of
men hauynge lordship, and the stature
of it is enhaunsid among bouwis; and it
see&yogh; his hei&yogh;nes in the multitude of his
siouns.
12 And it is drawyn vp in wraththe,
and caste in to the erthe; and a brennynge
wynd driede the fruyte of it, the
&yogh;erdes of his strength welewiden, and ben
maad drie, fier ete it.
13 And now it is
plauntid ouere in deseert, in loond not
wayed, or not hauntid, and thristie.
14 And
fier wente out of the &yogh;erde of his
braunchis, which ete the fruyte of it.
And a stronge &yogh;erde, a ceptre, or kyngis
&yogh;erde, of men hauynge lordship, was not
in it. Weilynge is, and shal be in to
weilynge.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
