Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXIV.
1 The wrd that is do to Jeremye of the
Lord, whan Nabugodonosor, king of Babiloyne,
and al his ost, and alle reumus
of the erthe, that weren vnder the power
of the hond of hym, and alle puples fo&yogh;ten
a&yogh;en Jerusalem, and a&yogh;en alle his cites,
seiende,
2 These thingus seith the Lord God
of Irael, Go, and spec to Sedechie, king
of Juda; and thou shalt sey to hym,
These thingus seith the Lord, Lo! Y shal
take this cyte in the hond of the king of
Babiloyne, and he shal brenne it vp with
fyr.
3 And thou shalt not scape fro his
hond, but with taking thou shalt be take,
and in his hond thou shalt be take; and
thin e&yogh;en the e&yogh;en of the king of Babiloyne
shuln see, and his mouth with thi
mouth shal speke, and Babiloyne thou
shalt go in.
4 Nerthelatere here the wrd
of the Lord, thou, Sedechie, king of Juda,
These thingus seith the Lord to thee,
Thou shalt not die in swerd,
5 but in pes
thou shalt die, and aftir the brennyngus
of thi fadris rathere kingus that weren
bifor thee, so thei shal brenne togidere
thee, and with Wo! lord, thei shul weile
thee; for the wrd Y spac, seith the Lord.
6 And Jeremye, the profete, spac to Sedechie,
king of Juda, alle these wrdus in
Jerusalem.
7 And the ost of the king of
Babiloyne fa&yogh;t a&yogh;en Jerusalem, and a&yogh;en
alle the cites of Jude, that weren laft;
a&yogh;en Lachis, and a&yogh;en Azecha; these forsothe
laften ouer of the cites of Jude
-- --
strengthid cites.
8 The wrd that is do to
Jeremye fro the Lord, aftir that king
Sedechie smot pes couenaunt with al the
puple in Jerusalem,
9 prechende that eche
shulde leuen his thral, and eche his thral
womman, Ebru man and Ebru womman
free, and not lordshipen to them, that is,
in Jew, and in his brother.
10 Herden therfore
alle the princes and al the puple, that
wenten in couenaunt, that thei shulden
leue eche his thral, and eche his thral
womman free, and no more thei shulden
lordshipen to them; herden thanne thei,
and laften;
11 and ben turned theraftir, and
drowen a&yogh;een thrallis, and ther thrallessis,
that thei hadden laft free, and vnder&yogh;okeden
in to seruauns, and in to wymmen
seruauns.
12 And don is the wrd of the
Lord to Jeremye fro the Lord, seiende,
13 These thingus seith the Lord God of
Irael, I smot pes couenaunt with &yogh;oure
fadris, in the dai that Y ladde them out
fro the lond of Egipt, fro the hous of
thraldam,
14 seiende, Whan shul be fulfild
seuene &yogh;er, lefe eche his Ebru brother,
that is sold to hym, and he shal serue to
hym sixe &yogh;er, and thou shalt lefe hym
fro thee free; and herden not &yogh;oure fadris
me, ne boweden in ther ere.
15 And
&yogh;ee ben turned to day, and diden that is
ri&yogh;t in myne e&yogh;en, that &yogh;ee shulden preche
eche fredam to his frend, and wenten in
couenaunt in my si&yogh;t, in the hous in
whiche is inwardly clepid my name vp
on it.
16 And &yogh;ee ben turned a&yogh;een, and
defouleden my name, and &yogh;ee han bro&yogh;t
a&yogh;een eche his thral, and eche his thrallesse,
the whiche &yogh;ee hadden laft, that
thei were free, and of ther power; and
&yogh;ee han vnder&yogh;okid hem, that thei ben
to &yogh;ou thralles and thrallesses.
17 Therfore
these thingus seith the Lord, &YOGH;ee han not
herd me, that &yogh;ee shulden preche freedam,
eche to his brother, and eche to his
frend; lo! Y preche to &yogh;ou freedam, seith
the Lord, and to swerd and to hunger
-- --
and to pestilence I shal &yogh;yue &yogh;ou, in to
quauyng to alle rewmus of erthe.
18 And
Y shal &yogh;yue the men, that breeke my pes
couenaunt, and kepten not the wrdus of
the pes couenaunt, to whiche thei ben
assentid in my si&yogh;t, a calf that thei toheewen
in to two parties;
19 and passeden
bitwen his deuyseouns the princes of
Juda, and the princes of Jerusalem, and
geldingus, and prestus, and al the puple
of the lond, that passeden bitwene the
deuyseouns of the calf;
20 and Y shal &yogh;yue
them in to the hond of ther enemys, and
in to the hond of men sechende ther lif;
and shal ben the deth smyting of hem
in to mete to the foulis of heuene, and
to the bestus of erthe.
21 And Sedechie,
king of Juda, and his princes Y shal &yogh;yue
in to the hond of ther enemys, and in to
the hond of men sechende ther lif, and
in to the hond of the ostus of the king of
Babiloyne, that wenten awei fro &yogh;ou.
22 Lo!
Y comaunde, seith the Lord, and Y shal
bringe them a&yogh;een to this cite; and
thei shul fi&yogh;ten a&yogh;en it, and taken it, and
brenne it vp with fyr; and the cites of
Juda Y shal &yogh;yue in to wildernesse, for
thi that ther is not a dwellere.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|