Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIII.
1 These thingus seith the Lord to me,
Go, and haue to thee a lynene bregirdil;
and put it vp on thi lendus, and in to
water thou shalt not putten it in.
2 And
Y hadde the bregirdil, aftir the wrd of
the Lord; and Y putte it aboute my lendus.
3 And don is the wrd of the Lord
the secounde tyme to me,
4 seiende, Tac
the bregirdil that thou haddest, that is
aboute thi lendus; and risende go to Eufraten,
and hid it there, in the hole of a
ston.
5 And Y &yogh;ide, and hidde it in Eufraten,
as comaundide to me the Lord.
6 And don is after manye da&yogh;es, seide the
Lord to me, Ris, and go to Eufraten,
and tac thennes the brigirdil, that I comaundide
to thee, that thou shuldist
hiden it there.
7 And Y &yogh;ide to Eufraten,
and dalf out, and toc the bregirdil fro
the place wher Y hadde hid it; and lo!
rotid hadde the bregirdil, so that to noon
vse it was able.
8 And don is the wrd of
the Lord to me,
9 seiende, These thingus
-- --
seith the Lord, Thus to roten Y shal
make the pride of Juda, and the myche
pride of Jerusalem,
10 and this werste puple,
that wile not here my wrdus, and gon
in the shreudenesse of ther herte; and thei
wenten after aliene godus, that thei serue
to them, and honoure them; and thei
shul be as this bregirdil, that to noon
vse is able.
11 As forsothe cleueth the brigirdil
to the lendus of a man, so Y ioynede
to me al the hous of Irael, and al
the hous of Juda, seith the Lord, that
thei were to me in to a puple, and in to
name, and in to preising, and in to
glorie; and thei herde not.
12 Thou shalt
seie therfore to them this wrd, These
thingus seith the Lord God of Irael,
Eche litil wyn vessel shal be fulfild with
wyn. And thei shul sei to thee, Whether
wee knowe not, that eche litil wyn vessel
shal be fulfild with wyn?
13 And thou
shalt seyn to them, These thingus seith
the Lord, Lo! Y shal fulfillen alle the
dwelleris of this lond, and kingus that
sitten of the stoc of Dauid vp on his
trone, and prestus, and profetus, and alle
the dwelleris of Jerusalem with drunkenesse.
14 And Y shal scatere them, a man
fro his brother, and faders and sonus togidere,
seith the Lord; I shal not spare,
and Y shal not graunte, ne han mercy,
that Y scatere them not.
15 Hereth, and
with eres parceyueth; wileth not be rered
vp, for the Lord spac.
16 &YOGH;yueth to the
Lord &yogh;oure God glorie, er it waxe derc,
and er offenden &yogh;oure feet at the derc
hillis; &yogh;ee shul abide li&yogh;t, and he shal
putte it in to shadewe of deth, and in to
mystynesse.
17 That if this &yogh;ee shul not
heren, in hid shal wepe my soule fro the
face of pride; wepende it shal wepe,
and leden out shal myn e&yogh;e tere, for
taken is the floc of the Lord.
18 Sei to the
king, and to the lordshipende womman,
Beth mekid, sitteth, for fro &yogh;oure hed
-- --
shal go doun the croune of &yogh;oure glorie.
19 The cites of the south ben closid, and
ther is not that opene; translatid is al
Juda with parfit transmygracioun.
20 Rereth
&yogh;oure e&yogh;en, and seeth, that comen fro
the north; where is the floc that is &yogh;oue
to thee, thi noble feeld beste?
21 What shalt
thou seyn, whan he shal visite thee?
thou forsothe hast ta&yogh;t them a&yogh;een thee,
and lerned a&yogh;en thin hed. Whether not
sorewis ca&yogh;ten thee, as a womman berende
child?
22 That if thou shalt sey in
thin herte, Whi camen to me these
thingus? for the multitude of thi wickenesse
opened ben thi more shamefast
thingus, defoulid ben thi foot solis.
23 Yf
chaunge mai an Ethiope his skyn, or a
parde his dyuersetes, and &yogh;ee shul moun
wel do, whan &yogh;ee han lerned euel.
24 And
Y shal sowe them abrod, as stobil that
with the wynd is raueshid in desert.
25 This thi lot, and the part of thi mesure
of me, seith the Lord; for thou for&yogh;eete
me, and trostedist in lesing.
26 Wherfore
and Y nakenede thin hipes a&yogh;en thi face,
and aperede thi shenshepe,
27 thi vouteries,
and thi ne&yogh;ingus, the hidous gilte of thi
fornycacioun vpon hillis; in the feeld Y
sa&yogh; thin abhominaciouns. Wo to thee,
Jerusalem, thou shalt not be clensid after
me; how longe &yogh;yt?
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
