Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XLVII.
1 Go doun, sit in pouder, thou maiden
do&yogh;ter of Babilon, sit in the erthe; ther
is not a kingus see of the do&yogh;tir of Caldeis,
for no more thou shalt be clepid
-- --
nesshe and tender.
2 Tac a grind ston,
`or queerne stoon, and grind me mele;
nakene thi filthed, discouere the shulder,
opene the thees, passe ouer the flodis.
3 Opened shal be thi shenshipe, and seen
shal be thi repreef; a veniaunce I shal
take, and ther shal not withstonde to me
a man.
4 Oure a&yogh;een biere the Lord of
ostes; the name of hym the hoeli of
Irael.
5 Syt, be stille, and go into dercnesses,
thou do&yogh;ter of Caldeis, for thou
shalt no more be clepid the ladi of
reumes.
6 I am wroth vp on my puple,
I defoulede myn heritage, and I &yogh;af hem
in thin hond; thou settest not to them
mercies vp on the olde; thou agreggedist
the &yogh;oc gretli,
7 and seidist, In to euermor
I shal ben a ladi; thou puttist not these
thingus vp on thin herte, ne recordedist
of thi laste.
8 And now here thou these
thingus, thou delicat, and dwellende trosteli,
that seist in thin herte, I am, and
ther is not biside me more ouer; I shal
not sitte a widewe, and I shal vnknowe
bareynete.
9 Comen shul to thee these
two sodeynli in o dai, bareynesse, and
widewehed; alle thingus camen vp on
thee for the multitude of thi sorceries,
and for the huge hardnesse of thi deuel
cleperes.
10 And trost thou haddest in thi
malice, and seidist, Ther is not that see
me; thi wisdam, and this thi kunnyng
disceyuede thee; and thou seidist in thin
herte, I am, and biside me is not an other.
11 Ther shal come vp on thee euel, and thou
shalt not wite his rysing; and ther shal
feerli falle vp on thee wastnesse, that
thou shalt not moun purge; ther shal
come vp on thee wrecchednesse feerli,
that thou wost not.
12 Stond with thi deuel
cleperes, and with the multytude of thi
sorceries, in whiche thou hast trauailid
fro thi waxende &yogh;outhe; if par auenture
any thing if profite to thee, or if thou
mowe be mad strengere.
13 Thou hast
-- --
failid in the multitude of thi counseilis;
stonde, and saue thee the deuynoures of
heuene, that biheelde sterres, and noumbren
monethis, that of hem thei telle
thingus to come to thee.
14 Lo! thei ben
mad as stobil, fyr to brende them; thei
shul not delyuere ther soule fro the hond
of flaume; ther ben not coles, with the
whiche thei ben made hot, ne fyr, that
thei sitte at it.
15 So mad ben to thee in
`what euere thingus thou haddest trauailid;
thi marchandes fro ther &yogh;outhe,
eche in ther weie erreden; ther ys not,
that saue thee.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
