Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XLVIII.
1 Hereth these thingus, the hous of Jacob,
that ben cleped bi the name of Irael,
and of the watris of Juda `went out, that
swern in the name of the Lord God of
Irael, and recorden not in treuthe ne in
ri&yogh;twisnesse.
2 Fro the hoeli cite forsothe
thei ben clepid, and vp on the God of
Irael thei ben stablid; the Lord of ostes
his name.
3 The rathere thinges fro
thanne I tolde out, and of my mouth
thei wenten out, and herd I made them;
feerli I wro&yogh;te, and thei camen.
4 I kne&yogh;
forsothe for thou art hard, and an irene
senewe thin haterel, and thi frount brasene.
5 I befornseide to thee fro thanne,
er thei camen I shewede to thee, lest par
auenture thou shuldist sey, My maumetes
diden these thingus, and my grauen
thingus and &yogh;ote senten these thingus
that thou hast herd.
6 See alle thingus,
&yogh;ee forsothe han not told out. Herd I
made to thee newe thingus fro thanne,
and kept ben that thou knowist not;
now `thei ben shapen,
7 and not fro
thanne, and befor day, and thou herdest
not hem; lest par auenture thou sey, Lo!
8 I kne&yogh; them. Ne thou hast herd, ne
-- --
thou hast knowe, ne sithen opened is
thin ere; I wot forsothe, for lawe breking
thou shalt lawe breke, and a trespasere
fro the wombe I clepede thee.
9 For my
name ferr I shal make my wodnesse, and
in my preising I shal bridele thee, lest
thou die.
10 Lo! I haue out `bake thee,
but not as siluer; I ches thee in the
chynne of porenesse.
11 For me I shal do
that I be not blasfemed, and my glorie
to an other I shal not &yogh;yue.
12 Here thou
me, Jacob, and Irael, whom I clepe, Y
the selue; I the firste and I the laste.
13 Myn hond also foundede the erthe, and
my ri&yogh;thond mesurede heuenus; I shal
clepe them, and thei shul stonden togidere.
14 Beth gedered, alle &yogh;ee, and hereth;
who of hem tolde out these thingus? The
Lord louede hym, and shal don his wil
in Babilon, and his arm in Caldeis.
15 I,
Y spac, and clepede hym; bro&yogh;te to hym,
and ri&yogh;t reulid is his weie.
16 Cometh ny&yogh;
to me, and hereth these thingus; not fro
the bigynnyng in hid thing I spac; of
tyme, er thei shulden be mad, I was
there, and now the Lord God sente me,
and his Spirit.
17 These thingus seith the
Lord, thin a&yogh;eenbiere, the hoeli of Irael,
I the Lord thi God, techende thee profitable
thingus, gouernende thee in the wei
that thou gost.
18 Wolde God thou haddest
taken heed to myn hestes, mad hadde
be as a flod thi pes, and thi ri&yogh;twisnesses
as the swolewes of the se;
19 and hadde
ben as grauel thi sed, and the stoc of thi
wombe, as his litle stones; he shulde not
han died, and shulde not han be defoulid
his name fro my face.
20 Goth out
fro Babylon, fleeth fro Caldeis; in vois
of ful oute io&yogh;yng telleth out; herd maketh
this, and berth it vnto the vtmostus
of the erthe; seith, A&yogh;eenbo&yogh;te the Lord
his seruaunt Jacob.
21 Thei thristeden not
in desert, whan he shulde lede them out;
water of a ston he bro&yogh;te forth to them,
-- --
and he kutte the ston, and ther floweden
watris.
22 Ther is not pes to vnpitous
men, seith the Lord.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
