Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XLVI.
1 To-broken is Bel, to-brosid is Nabo;
broke ben the symulacris of them, with
feeld bestes, and hous bestes; oure chargis
-- --
with heuy berthene vnto werynesse
stunken, and to-brosyd ben togidere;
2
thei my&yogh;ten not sauen the berere, and
the soule of them in to caitifte shal go.
3 Hereth me, the hous of Jacob, and al the
residue of the hous of Irael, that ben
born of my wombe, that ofte ben born
fro my priue wombe.
4 Vnto the laste
elde I the selue, and vnto the hoere heris
I shall bern; I made, and I shal bringe;
I shal bern, and I shal saue.
5 To whom
licneden &yogh;ee me, and eueneden, and comparisounden
me, and maden lic?
6 &YOGH;e that
togidere bringen gold fro the bagge, and
siluer with a balaunce peisen, hirende
the `craftis man, that he make a god,
and thei fallen doun, and honouren;
bern it in the shuldris,
7 berende and settende
in his place; and shal stonde, and
fro his place shal not be moued; but and
whan thei shul crie to it, he shal not
heren, fro tribulacioun he shal not saue
them.
8 Remembreth this, and beth foundid;
turneth a&yogh;een, &yogh;ee lawe brekeres, to
the herte.
9 Recordeth of the rathere world,
for I am God, and ther is not ouer me a
God, ne lic me;
10 tellende out fro the bigynnyng
the laste, and fro the bigynnyng
that not &yogh;it ben maad, seiende, My
counseil shal stonde, and al my wil shal
be don;
11 clepende fro the est a brid, and
fro the ferr lond the man of my wil;
and I spac, and bringe to shal it; I shop,
and maken I shal it.
12 Hereth me, &yogh;ee
with hard herte, that aferr ben fro ri&yogh;twisnesse.
13 Ny&yogh; I made my ri&yogh;twisnesse,
and it shal not be longed awei, and myn
helthe shal not be taried; I shal &yogh;yue in
to Sion helthe, and in to Jerusalem my
glorie.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|