Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XC.
1 The preysing of the song, to hym Dauid.
noteThat woneth in the helpe of the hei&yogh;est;
in the defending of God of heuene shal al
abide.
2 He shal sei to the Lord, Myn vndertakere
art thou, and my refut; my
God, I shal hope in to hym.
3 For he deliuerede
me fro the grene of hunteres;
and fro the sharpe woord.
4 With his shuldris
he shal al aboute shadewe to thee;
and under his pennys thou shalt hopen.
5 With the sheld shal enuyroune thee his
treuthe; thou shalt not drede fro the ny&yogh;t
-- --
drede.
6 Fro the arwe fleende in dai, fro
the nede goende in dercnessis thur&yogh;; fro
the inrennyng, and the myddai deuel.
7 Ther shul falle fro thi side a thousend,
and ten thousend fro thi ri&yogh;t sidis; to
thee forsothe he shal not ne&yogh;he.
8 Neuerthelatere
with thin e&yogh;en thou shalt beholde;
and the &yogh;elding of synnes thou
shalt see.
9 For thou art, Lord, myn
hope; he&yogh;est thou hast put thi refut.
10 Ther shal not come to thee euel; and
scourge shal not ne&yogh;he to thi tabernacle.
11 For to his aungelis he comaundide of
thee; that thei shulden kepen thee in alle
thi weies.
12 In hondis thei shul bern thee;
lest parauenture thou offende at the ston
thi foot.
13 Vp on the eddere and the kokatrice
thou shalt go; and thou shalt totrede
the leoun and the dragoun.
14 For
in me he hopide, I shal delyueren hym;
I shal defende hym, for he knew&yogh; my
name.
15 He criede to me, and I ful out
shal heren hym, with hym I am in tribulacioun;
I shal taken hym out, and
glorifien hym.
16 In lengthe of da&yogh;is I shal
fulfillen hym; and shewen to hym myn
helthe &yogh;yuere.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|